أبيات قديمه (مرثية في الوالد أسأل الله أن يتغمده بواسع رحمته ويسكنه فسيح جناته) ،، وقد بنيتها بعد وفاته بسنتين وأرتجلتها في مجلس بعد أن سمعت جميع الحاضرين تشتت آراهم في موضوع معين ولم يستطيعوا أن يعقدوا العزم على رأي واحد ،، فتألمت كثيرا وأرتجلت هذه الأبيات..
********
[poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="inset,2,gray" type=0 line=0 align=center use=ex num="0,black"]
مات الذي شوره كما شذرة السيـف=رجلٍ على شوره نسـوق الركايـب
رجلٍ كلامـه ينقـده نقـد صرّيـف=صريف مـال وعـارفٍ بالكسايـب
له كلمةٍ تفصـل صعـاب المواقيـف=حلال عسـرات الأمـور الصعايـب
يؤخـذ برأيـه مقصـدٍ للعواريـف=ولايعقل الصعبـات ياكـود شايـب
وله ماقفٍ عسر المناويـل ومنيـف=يتعـب رجـالٍٍ يشعبـون النجايـب
وله رأيةٍ ترفع بـروس المشاريـف=رايـة فخـر عـزٍ لكـل القرايـب
يوم النفاعي جاه محتـار ومخيـف=جـاه وزبـن داره نهـار النشايـب
زبّن أدخيله وأبدل اللبـس بنظيـف=وأعطـاه كـروة مركبـه للحبايـب
ثم ودعه وأوصاه لاتقـرب السيـف=أنحر علاوي نجد لأهـل العصايـب
لعلهـالـك يالنفـاعـي هفاهـيـف=وأرواحنا ترخـص نهـار الحرايـب
رجلٍ عطاه الرب حسن التصاريـف=لا أحتـارت الأفكارعنـد النـوايـب
لا أحتار بالعسرات راع التصانيـف=عنّز عـلاه ومنـه ماعـاد خايـب
يالله عسالـه بالجنـان المواريـف=منزال بيـن الأنبيـاء والصحايـب
طالبك يامجـر المـزون المراديـف=وأنت الذي للعبـد جـزل الوهايـب
عليه دمع العيـن حـول ذواريـف=دمـعٍ تنثـر مثـل وبـل السحايـب
وعليه قلبي حـنّ مثـل الرواجيـف=اللي نهـار الكـون ذخـر الكتايـب
أنشهد إنه غـاب عنـا ولا شيـف=يوم القبر ركـزت عليـه النصايـب
غاب ورحل بعده جروحي نوازيـف=وجرح سطا بالقلب ماهـوب طايـب
وحالي بعد فرقاه مسلـول ونحيـف=ماعاد أذوق الزاد شربـي غصايـب
أبكي على من مات عون المضاعيف=ماأبكي علـى فقـدان راع الذوايـب
إي والله أبكـي والـدي يالمواليـف=أبكيه يوم إنه إعـن العيـن غايـب
ماشوف وجهه كود بالليل مع طيـف=لازارنـي شبـت بقلبـي لهـايـب
ويـوم أتذكـر كلمتـه والسواليـف=وأذكر أضحوكه والعتـب والطلايـب
أونس محاديب الضلوع المصافيـف=تصفق بعضها صفق والقلب ذايـب
صفقات موج البحر لأهل المجاديـف=لا حركت موجـه سمـوم الهبايـب
مرحوم ياللي تذبح الحيـل للضيـف=حيـلٍ تقلطهـا سـمـانٍ عـرايـب
ماتذبح الهزله ولا تشـري ضعيـف=وهرجتك للضيفـان دايـم عذايـب
وقلبك حنونٍ وهبة الـرب ورهيـف=للي قريبٍ منـك وأيضـا الجنايـب
تعطف على الأقراب من غير تزييف=وتعطف على المفطوم وأيضا الحدايب
ويمناك في مد الحساني لهـا كيـف=وماطاب عود غيـر مجنـاه طايـب
عاداتكم يأهـل المهـار المعاسيـف=ذخـرٍ لكـم ماجاتـكـم بالجـلايـب
وصلاة ربي عد ماأمطرمطر صيـف=وإعـداد مانبتـت نـوام الشعايـب
على نبـيٍ لطـف الديـن تلطيـف=محمـد المختـار هـو والصحايـب
*******
سفر بن مشعان العتيبي[/poem]
| 
|
10-03-2005, 10:52 PM
المواضيع المتشابهه
العرض المتطور
