على هذا المكان ومن رعاه ومن تربع فيه
................... سلام وراية الاسلام فوق الراس مرفوعه
ترف بكل عز وكل مجد وضمها بيديه
....................امام المسلمين وكلمته بالكون مسموعه
أخص القايد الاعلى فهد درع الوطن حاميه
.................من العدوان ما عاثت فلول الشرك بربوعه
ملكنا اللي نحبه ثم نحبه والغلا نغليه
...................على دربه نسير ونستنير الدرب بسموعه
ملكنا اللي يشرف حاضره ومشرفٍ ماضيه
....................يسجل له مدى التاريخ للتاريخ موسوعه
ملكنا اللي فتح قلبه لنا يالله لنا تحييه
.....................فريدات الخصايل في مقر العز مجموعه
يصون مقدسات وبالثبات مخططه ماشيه
................عسى أوطانه لبراق الحيا بالرجع مرجوعه
تمتعنا بعهده بالرخاء والخير والترفيه
.......................شربنا الماء قراح ومدنا وامتد ينبوعه
ليا صّدر قرار يتم وبريشة قلم يمضيه
........................يورّد جاري التنفيذ والاوراق مدفوعه
يوجه ما يوجَّه منفرد بالراي والتوجيه
.............يحلّ اوضاع غيره ما ابتحل في حل موضوعه
ليا منّه تنهّض زلزل الغبرا تحت رجليه
...................يامكبر هيبته والارض تستكلم تحت طوعه
سعوديٍ ملا الكرسي صحيح ومنصبه ماليه
........................ليا زمجر وطالع بالسباع تخر مفجوعه
تليق به القياده والسياده والامن مضفيه
..................على شبه الجزيرة ساد تشريعه ومشروعه
بلاده ما يقارب ربع قرن بساعده يبنيه
..................ولايَتبع فهــــد يُتبع فهد وخطاه متبـــوعه
يعود الراي لاهل الراي واخذ الراي من راعيه
...................يعد ارياه مفتــــــوله ومثنيه ومربــــــوعه
بتوع ليا مضى يمضي بسيف العدل ما يثنيه
.....................ليا عدوا قواطيع السيوف ابتر وقاطوعه
ليا اشتد الخصيم بخصمته من حكمته ينهيه
.....................ينوخ للحقوق وتصبح الحقــــاد مرجوعه
جبل راسي ومن طبع الجبل ما يحترك راسيه
..............ذرى المفزوع واللي طار عنها الستر مفجوعه
جنودك يافهد شعبك لياطق الحدى حاديه
...................فداك الامن يفداك الحرس والجيش وفروعه
عليك براس الافعى ما دفق سمه وكيف وليه
.......................يروّجها الغبي واللي ثقتنا منه منزوعه
من الضربه يطيح من اوله والحق على تاليه
.................قبل فتك الافاعي خلها في البيض مخلوعه
عصابه يا بوفيصل بثت التشويش والتشويه
.................على ارضك ما لها بيعه ومن بيعتك مخلوعه
على يمناك اخوك اللي مناظيم السرب تتليه
..................على اكتافه كبار الواجبات اليوم موضوعه
تصدى من تعدى ويتحدى والوطن يعنيه
..................تعبّر كلمةٍ فــــــــي نشرة الاخبار مذيوعه
صدق راعي المثل لاركبت حر ارقد ولا توصيه
..................ولو حددت له رحلة شهر ياتيك باسبـــوعه
نرحب في ولي العهد ونحييه وتحييه
...................جماهير تردد له بيوت الشـــــــعر مبدوعه
هلا يامرحبا واهلين يارجل الوطن ذاويه
..................بعد هذا الزعيم انت الوطن وحماه ودروعه
علينا عهد لك ياسيدي والعهد ما نصخيه
...................عواتقنا قلايدها العهد بايمــــان مقطوعه
معك سلطان حماي الحدود ليا احتمى صاليه
...................يجيب لك القلايع مـــن يدين القوم مقلوعه
يسلم ثالث الاثنين ويعافيه ويدوّيه
..................ابوخالد له الهامات بالتقدير مخضـــــــوعه
على الارهاب شنوا حرب شعوا واقطعوا طاريه
..............تموت الشجرة اللي من عروق الجذع مقطوعه
على من روّع الصيام خزي ولعنة تخزيه
...............عسى من راعهم رب الفلق يبـــــلاه ويروعه
تموت اطفال وتموت النسا فعل طغى طاغيه
...............بكل الوصف وحش مفترس ويغير بفزوعـــــه
جريمة ما تشبه بالجرايم يصعب التشبيه
.................عقول للحدث ما استوعبت خرقا ومصدوعه
كلام للبعيد وللقريب يسمعه باذنيه
.................لعله يستفيد ويستقر العلم باســـــــــموعه
نجابه طغمة بان الردى منها ولاتخفيه
.................هذا والله هو الارهــــاب مهما يختلف نوعه
خذت عدوى وجتنا بالوبا من تلمسه تعديه
.................كفى الله شرها وبقــــدرة الرحمن مقلوعه
ملغمة المصاحف ما لها بين الرجال وجيه
.................هبت والله وجيه للهــــوى وابليس مركوعه
وسلامتكم ..
| 
|
08-07-2007, 07:58 PM
المواضيع المتشابهه
العرض المتطور
