[align=center]السلام عليكم ورحمه الله وبركاته
ومبارك عليكم الشهر جميعاً..
اخواني لا اعلم كيف ابدي الكلام..
ولكن خير الكلام ما قل ودل..
والله العظيم اني كنت متردد في كتابة هذه الحروف والابيات كنت اتحاشى الدخول في هذا الموضوع لما فيه من لغواً زاد عن حده مع احترامي لجميع الموجودين ويعلم الله اني من مشاركتي الاولى في هذا المنتدى وانا احس اني بين اهلي واخواني وكل ما قرأت رد على مواضيعي وفــي اخر رد ابن عمك فلان الفلاني العتيبي اسعد كثيرا .
وهذه القصيده رداًُ على كل جاهل لا يعي ما يقول....
وشكراً[/align]
[poem=font="Simplified Arabic,5,white,bold,normal" bkcolor="transparent" bkimage="backgrounds/22.gif" border="groove,4,gray" type=1 line=0 align=center use=ex num="0,black"]
ياجاهلٍ بالناس نعطيك تزويد=تزويد في علمٍ يفك النشابه
حنا عتيبه ما علينا مناقيد=سقم المعادي لابغاها طلابه
اعيال رجلٍ ما يبي منك تأكيد=رجلٍ عتيبي من قبيلة عتابه
حرٍ حكيمٍ ورّد العز توريــد=طيّب ولا سكّر عن الضيف بابه
يشهد لنا كل الرجال الصناديد=احرار وعيال الذيابه ذيابه
ولا انت تشهد في كلام المياليد=يالجاهل اللي ما حسبنا حسابه
ماهمنا في ما يقول الحواسيد=الحر بيّن والذبابه ذبابه
وان كان تسمع ماحكى زيد واعبيد=البعد ما يلغي صلاة القرابه
حنا عتيبه طايلين السواعيد=حنا الذي تفخر بنا كل لابه
حنا الشجاعه والوفا والتقاليد=حنا الكرم والجود حنا زهابه
حنا الجبال الشامخات الجلاميد=حنا نجومٍ فوق هام السحابه
وانا ولد من هو يصون المواعيد=انا عتيبي ما نفتني شبابه
انا كبيرٍ من كبار الحماميد=شاعر وعالم في علوم الخطابه
اعير سمعي للذي يطري البيد=ذكر البدو ولاّ بذكر الصحابه
وادري زماني فيه ناسٍ حواقيد=وافعالهم تشبه لفعل العصابه
يوم الورق اصبح كبير الشواهيد=يشهد لغيري بالاصل وانتسابه
مامامتوا اللي يعرفون الاجاويد=حتى ولو كشّر لنا الوقت نابه
انخى بن ربيعان وانخى بن احميد=اللي لهم بين الاوادم مهابه
شيوخ قومٍ شوفهم يجلب العيد=نفخر بهم في سلم ولاّ حرابه
وجهٍ به المعروف مابه تجاعيد=للقلب يجلي ضيقته واكتئابه
اشكي لهم حالي وكلي تناهيد=والحر لايمكن يغيّر ثيابه
حطوا على وضعي من الضيق تقييد=حرٍ ولكن ما وصلت السحابه
ودي اطير لشوفكم دون تحديد=واسرح لكم جرحٍ يزيد التهابه
جرحٍ من ضروف الزمن دايم يزيد=ونفسٍ يضيق ابها الفضا والرحابه
وقفاتكم فخرٍ وللجرح تضميد=نخيتكم والقلب ينزف صوابــه
الشاعر ( جراح مناحي خلف الحمادي العتيبي )[/poem]
[align=center]
[/align]
| 
|
10-10-2005, 11:33 PM
المواضيع المتشابهه
العرض المتطور
