الهرس نعتوت ... إهداء لكم ولبو فهد .

[عبد ربّه العازمي]

الاخوه والاعزاء في منتدى شبكة عتيبه ..



السلام عليكم ورحمة الله وبركاته ..



يسرّني ويشرّفني الانضمام إلى شبكتنا الغاليه واشكر الاستاذ / سعدون الهرس على كرم الدعوه ..



واقدم لكم هذه الابيات البصيطه كعربون وفاء لكم ولبو فهد ..


واعذروا القصور :













[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليا دعاني داعي الطيب لبّيت=لبّيت له حشمة مقدّر وممنون

واجب وحق ولا غرابه ليا جيت=ليا دعاني واحدٍ مثل " سعدون "

الهـرس نعـتوت الرجال النعاتيت=قرمٍ على كسب الجزيلات مفتون

حتى بنا في قمّة المجد اله بيت=واصبح مع اسمه لاطرا ( نِعْم ) مقرون

ماحازها من باب صدفه يابلفيت=من ضرب يمناً صيتها ذاع فالكون

راع الامانه والكرم طّيب الصيت=مجد القبيله طاح فيدين مامون

من طيب حظ الرِبعه الحي والميت=جاب الله الْها راعي الحفظ والصون

وثبّت لنا تاريخ الأجداد تثبيت=وهْوه مع الازمان ثابت ومضمون

مافيه تحريفٍ ولا فيه تفويت=مثبوت ماهو قال والا يقولون

يابو فهد لو أمدحك صَلْب موفيت=حقك وابابقى دايم الدوم مديون

اشكرك وادمح زلّتي كاني أخطيت=واسلم ودم ياستاذنا الفذ " سعدون "[/poem]

[الركــن]

الاخ : عبد ربه العازمي

صح لسانك وبيض الله وجهك قصيده جزله

ومن شاعر جزل وفي رجال(ن) كفوا ويستاهل أبو فهد

وتقبل أحترامي .....

أخيك : الركن

[@ عتيـبـي نجــد @]

[ALIGN=CENTER]

عبدربه العازمي
هلااااااا وسهلااااااااا
حياك الله في محلك
وصح لسانك
ولوانه مافيك ما داعاك ابوفهد
ابو فهد يدعوا الرجال اللي مثلك
ويفرح بهم
ويستاهل المدح سعدون الهرس
علومه كلها غانمه ونعتز بها
ومره ثانيه هلااااااااااا وسهلااااا[/ALIGN]

[سمران القثامي]

الأخ الغالي عبدربه العازمي ( عشير الغانمين ) الله يحييك في منتداك وبين ربعك وسعدون الهرس يستاهل ماقلته ولايمدح أهل الوفاء الا الوافي وانت وافي طال عمرك



أخوك/ سمران القثامي

[النـايــــــف]

[ALIGN=CENTER]يا هلا والله ومرحبا فيك أخوي عبدربه العازمي


حياك الله بين أخوانك وربعك


إنشاء الله نشوف لك كل جديد ومفيد


تحياتي لك ،،،،

أخوك النـايــــف[/ALIGN]

[إبن ثعلي]

هلا وغلا ومرحبا بك يالعازمي بين ربعك واحبابك وصح السانك وابو فهد يستاهل المدح والثناء والجود ورث جدود جيل بعد جيل مثل ما قال شاعر عتيبه عبد المعين بن ثعلي

ولك نحيات اخوك بن ثعلي

ويهديكم تحياته الشبل عبدالرحمن بن ثعلي وهذي صورته يحب يتفرج عليها في مكانها هذا

[رايد]

بيت عبدالمعين ليس هكذا يابن ثعلي


يقول


الجود ورث جدود ناس بعد ناس () وهايب ٍ تعطى بحظ وتنافيل


هذا وانت ابن ثعلي بعد :D


مداخله
عاد قالوا لك بن ثعلي نازل من السماء ما يخطي
المهم معنى البيت بقى ثابت

[الحصان]

هلا والف هلا بشاعرنا المبدع عبدربه بن عتيّق بن سالم العازمي العتيبي نحن سعيدين جداً بانضمامك لشبكة عتيبة والردعلى قصيدتك سوف ياتي لاحقً ان اشا الله

[الحصان]

الركــن
@ عتيـبـي نجــد @
سمران القثامي
بن ثعلي
رايد

شكراً لكم على هذا الاطراء والله يعطيكم العافيه ولا يهينكم ولاعليكم زود

[إبن ثعلي]

ليش البخل ما رديتوا علىتحية الشبل عبدالرحمن لكم وقد كان ينتظر الرد