مقتطفات شعرية قديمه

[عزام الوسمي]

تصاحبت أنا والسبت والحقد منّا غـاب
وكلٍ طرح من حـرب الأخـر مزاريقـه

على ماضيات الوقت واليوم حنّا أصحاب
ولـوّ كـان قـدّ لبّـق بقلبـي ملابيـقـه

أنا أحسب قلبي من طريق الموّده تـاب
وأثر عـاد لـه شـفٍ بيلحـق ملاحيقـه

لحى الله قلبٍ دار شفّـه مـع الأجنـاب
توهّـق ووهقنـي بعـد فـي مواهيـقـه



للشاعر / عميـر بن راشد العفيشه الهاجري



لاخاب ظني بالرفيق الموالي
مالي مشاريهٍ علـى نايـد النـاس
لعل قصر ما يجيله ظلالـي
ينهد مـن عـال مبانيـه للسـاس
لاصار ما هو مدهل للرجالي
وملجا لمن هو يشكي الضيم والباس




للشاعر / محمد الاحمد السديري






ترى حلاة الهـوى لا طالـت المـده
مهوب يـوم صديـق ويـوم قومانـي
وان كان ما أنت بمصافيني على الشده
وقت الرخا واجـد ربعـي وخلانـي

للشاعر / سليمان بن شريم


من ياخذ الدنيا برايه بلا قيس
مثل الذي في جوف بحر يعومي
ما ينبني بنيان من غير تاسيس
ومن لا تعلم ما تفيـد العلومـي

للشاعر / تركي بن حميد


لواهني اللي ليا ضاق له يوم
اليوم الآخر خاطره ما يضيقي
ما هو بمثلي ضيقته دايم الدوم
أبي المليق شوي وأزريت اليقي


للشاعر / صقر النصافي


هبي بريحه يا هبوب الشمالي
كود الجنوب ومطلع الشمس ينصاه
ياما ويامـا فرقتنـا الليالـي
وعزي لمن يصفق شمالـه بيمنـاه


للشاعر / سليمان بن شريم


والرزق عند الله بحظ وتوفيق
والعمر يفنى والليالي تدومـي



للشاعر / محمد بن هادي

[منصور الشيباني]

لاهنت ياعزام

وبيض الله وجهك وشغل متعوب عليه

اختيار موفق

بانتظار مواضيعك القادمه بشوق

تحياتي لك

[عزام الوسمي]

ابو فيصل ,,,, و وجهك طال عمرك ,,,

جمل الله حالك ,,,, ولا تحرمنا هالطلة ,,,,,

مشكوووووور يالغالي على المرور الكريم ,,,

تحياتي واحترامي لك >>>>>>>>>>>>>

[نوف]

دائما مبدع عزاام الرسمي

يعطيك العافيه

تحياتي

[كحيلان]

مشكور عزام لك التحيه

[اخو من طاع الله]

لحى الله قلبٍ دار شفّـه مـع الأجنـاب
توهّـق ووهقنـي بعـد فـي مواهيـقـه

مشكور يا عزام على الموضوع