" آحتاج لك " !!

[محمد العريــدي]

\



/




يسعد مساءكم أعضاء و زوّار منتديات عتيبه

هُنا سيكون " عالمي الثاني "


حيّاكم ربي





\


/

[محمد العريــدي]

تركتني .. ثم خسرت القلب بـ إهمالك

والمشكلة إنك بعد تدري عن أطباعي !!

لا جيت بـ اسئلك .. والأ أنشدك وش حالك ؟!

جت عزة النفس قالت : مالها داعي !!

[محمد العريــدي]

\


/


إستح على وجهك !! و ضمّد لي جروحي

العام اعالجك .. و انت اليوم تجرحني ؟ !!


\


/

[محمد العريــدي]

من لحظة غيابك وانا آسئل وانادي

واللحين تسأل بعد ما غبت وش في ؟!

إسبوع غايب !! ما يهمّك ودادي

يعني كذا عندك غيابي ولا شي

إذا تشوف إن الجفا شي عادي

انا الجفا عندي ذبحني وانا حي !!

[محمد العريــدي]

كثر الخطأ يذبح .. ومغليك رجال
يبيع عمره ما يهين الكرامه !!

مليت أسامح وأعذرك وأنت تختال
والله ولا همّك حبيب و غرامه !!

كانك تبي الفرقا .. بدون أيّت جدال
الله يسهّـل لك طريق السلامه !!

أما كذا .. حالك ترى ماهو بـ حال
من مدة ٍ وضعك كذا .. وش علآمه ؟!

ضيّقت صدري .. مابقى شي ينقال
دام الملامه ما تفيد الملامه !!

كثر الخطأ يذبح .. ومغليك رجال
يبيع عمره ما يهين الكرامه !!

[محمد العريــدي]

يقول بـ أسوي حلا .. والحلا فيه
احلى حلا ما بين هالناس شفته


عندي حلاه احلى من اللي يسويه
ولو ينوكل .. يمدي من العام ذقته

[العنود البريكي]

محمد العريدي

شاعرنا المميز بالفعل إذا في حلا فهو أنت ‏

تسلم والله لايهينك ععالزاويه ذي اعجبتني وربي لاتحرمنا من المزيد وتقبل نروري


عنووووووووووووووووووووووووووووووووووووو

[محمد العريــدي]

\
/

العنود

كل الشكر لـ حضورك و اطراءك الجميل

دمت ِ بخير

[محمد العريــدي]

الله " يلوم " العاصمة يوم فرقاها
غابت و كن غيابها غيبة ( ملوك )

شفت .. الملك يومه ( رحل ) عن سماها
و ضاق ( الرياض ) و صاير الهم مشروك

يشبه غياب اللي ( ذبحني ) غلاها
راحت لـ (.......) و خلّت القلب متروك

[محمد العريــدي]

\

/

مرات .. يجذبك ( الحلا ) و ( الغنج ) طرق

حتى يسبب لك " ذهول " و فهآوه !!

البنت هذي فرق / و آخلاقها فرق

غصب"ن" عن عيونك تشوف الحلاوه

و هذي ترى هي مشكلتها مع الطِرق

كن بينها و بين ( العذارى ) عداوه

ليا ضحكت لك .. كن يبرق لك البرق

و ليا سكتت .. شف القمر في ( صفاوه )

و ليا مشت .. تسرق عيون البشر سرق

و ليا وقفت .. تملي مكآنك " هداوه "

هي ما آحرقت ( كرت ) المزايين حرق

هي سببت بين العذارى ( عداااااوه ) !!