[align=center]أخواني وأخواتي الكرام
أضع بين أيديكم هذه المتواضعة التي أتت على عجلة فأتت هكذا ....
أرجوا قبولها وغض النظر عما يشوبها من نقص .................
ياربعي اللي تهتـوون المطاريـش*****معكم يبيلي بأول الصبـح مغبـاش
فرصة وأدورها بـروس المناقيـش*****راسي من التفكير والهـم منـداش
والله ما ادري ليش والا على ويـش*****لكن صدري من عنى خاطري طاش
تكفون لا نامت عيـون الخفافيـش*****ودي بمطراشٍ ماهوب أي مطراش
على أبيضٍ من جدّته مابعـد نيـش*****ومن زود قدره سايقٍ قيمتـه كـاش
وإذا فهقنـا جـوّ عقـب التفاتيـش*****ثم جاتنا لوحة جفن ضب ومشـاش
سوقوه لديـار الرجـال المداغيـش*****أمثال أبو ماجـد وفالـح وعكّـاش
يفداهم اللـي يلبسـون الطرابيـش*****ويفداهم الهلفوت والخرب والـلاش
هم شوق من تزهاه سود العكاريـش*****كم واحدٍ في ظلهـم بالهنـا عـاش
نبي نسج الرجل في الخبت ونعيـش*****ساعات نقضيها طرب بين الأدبـاش
في عبلةٍ فيهـا الخزامـي مداقيـش*****والجو غايم برق مع رعد وارشاش
تبري الكبود الظاميـات المعاطيـش*****شوف الخزامى والنفل يبرد الجاش
راس الظبي قد قيل مابه عراميـش*****لكن نعيش العمر غربـة ونعتـاش
هو ليش مانقنع من الوقت هو ليش ؟*****وقتٍ سعينا به ولكـن علـى مـاش
ودام المهبل في عماهـم مخاييـش*****وإذا لفـا واحدهـم العلـم ينحـاش
خلوني أحيا باقي العمـر واعيـش*****بين الصحاري والمزارع والادباش
وسلامتكم جميعاً
جفن ضب ومشاش :: مدن في المللكة العربية السعودية[/align]
| 
|
05-25-2007, 02:54 PM
المواضيع المتشابهه
العرض المتطور
