قصيده في قبيلتي عتيبه

[مخاوي النشامى]

قصيــــــــده في قبيلتي قبيلة عتيبيه ولا مهونه لباقي القبايل
قرأتـــــها في احد المنتديات واعجبتني..........

حنا عتيبة مصـدر الطيـب منـا
تعرف جميع القوم منهم عتيبـة
فينا صفات(ن)من طلبهـا تعنـا
حتى لذيـذ النـوم مايهتنيبـه
اهل الفعول ان كان قلنـا فعلنـا
حنا سوات الموت سلطة وهيبة
نبطش بحـد المرهفـات المسنـا
ونغير فوق المكرمـات الاديبـة
لادق زير الحرب صـفٍ كملنـا
عدونـا نسقيـه مـر الغليبـه
حنا عتيبة وانشـد القـوم عنـا
صغيرنايذكـر بفعلـه وطيبـه
ذباحـة الحايـل سعـوط المجنـا
اهل السيوف المرهفات العطيبة
كم شيـخ قومـا بالملاقـا زبنـا
نحميه لو كبرت عليه المصيبـة
مـا يـوم لابقنـا ولايـوم خنـا
وخوينا يلقا الصـدور الرحيبـة
والضيف لن ميـل فلاحـاد عنـا
يعرف دروب العز من غير ريبة
مال الفخر لو ينتخي غيـر حنـا
تاج الفخر حنا ولاهـي غريبـة
دون الخوي نشيـل هـم المعنـا
ولجل الكرم نفعل فعول عجيبـه
الطيب عادتنا مـن اجلـه بذلنـا
نجيب شي ٍ غيرنا مـا يجيبـه
ياقشر حظ اللي طمع فـي ظعنـا
وياطيب حظ اللي يصيح ونجيبه
عقـال لكـن لازعلنـا جهلـنـا
عدونا يوم الطراد انعثـي بـه
نخلي ظهور الخيل كـان أقبلنـا
والمعتدي ماغير روحه ضريبه
ميدانهـا نجـد العذيـه وطـنـا
نجدٍ لنا ماخلـف نجـدٍ طليبـه
وارض الحجاز بغير شـكٍ وظنـا
فيها زعيـم ٍبالوغـى ننتخيبـه
نجـد ٍخذيناهـا بسيـف امحنّـا
واللي غلبناهم رضوا بالغليبـه
حنا عتيبه في الغفـى مـا طعنـا
حنا هل الطولات قوم الصعيبـه
على حياض الموت سقنا جملنـا
وعشنا بنجدٍ مادفعنا الضريبـه
لو إنّهـا ماهـي مذاخيـر أهلنـا
لكن نزلنا وسطهـا بالغصيبـة
اي والله انـا بالغصيبـه نزلنـا
وسجل لنا التاريخ قصّه رهيبـه
خذنا سنـام المجـد منـا ومنـا
مرعاه نمشي به ونغرف قليبـه
على جبـال العـز حنـا سكنـا
تاريخنا يا ناس محـدن يجيبـه
بسلومنـا كـل المكـارم جمعنـا
ونلنا عليها غصب ماهو طليبه






منقوووووووووووووووووووووووووووووووول

[بوشامه]

صح لسانك وسلمت بنانك يا مخاوي النشامي على النقل وصح لسان الشاعر وبيض الله وجهه مع

العلم ان القبيله تستاهل اكثر0000000

[اخو من طاع الله]

مشكور على النقل الرائع وصح لسانك يا مخاوى النشامى

[برقاوي هواوي]

صــح لسانك أخوي مخاوي النشامى

[بنت* عتيبة]

[align=center]انا اشهد

الله يعافيك ويسلمك خاوي النشامى

طالبتك ان تسمح لي ب وضعها في زاويتي للشعر وقفات

واستاذن اخونا فواز مشرفنا الغالي.

الكلمات تهز الوجدان وكلها في عتيبة.

يا سلام يا سلام.[/align]

[مخاوي النشامى]

بو شامه
عبد الله الحافي
برقاوي هواوي
بنت عتيبه
صحت ابدانكم ولاهنتو على المرور والرد وهذا اقل شي نقدمه لقبيلتنا قبيلة الفخر والعز وطولة الهامه
بالنسبه لك بنت عتيبه القصيده لم انقلها للمنتدى إلا لكى يستفيد الجميـــــــــــــــــــع..........

[فواز الشيباني]

اخي مخاوي النشامي

صح السانك والسان الشاعر

ولاهنت على الاختيار الرائع
ومافيه اي مانع بوضعها في موضوع للشعر وقفات

[الحصان]

صح لسانك يامخاوي النشامى ولكن من هو قايل القصيدة المنتدى لايسمح بوضع قصائد مجهوله الهويه لأن هذا خطا فادح على صاحب القصيدة

اخي فواز الشيباني يجب ان تنتبه للقصائد التي بدون اسما وتطالب الذين يضعونها بوضع اسماء اصحابها

تحياتي

[مخاوي النشامى]

اخوي فواز صح بدنك ولاهنت على المرور والرد وشكرا لتواجدك الرائع
وصح بدنك ي الحصان على المرور والرد
اما بالنسبه للقصيده منقوله من احد المنتديات لكن اللي كاتب الموضوع لم يحدد اسم الشاعر واذا تبي اجيب لك اللي كتب الموضوع فهاذي يبي لها جلسه...........................

[النـايــــــف]

صح لسانك اخوي مخاوي النشامى


وصح لسان شاعرها


وبيض الله وجهك

على هذا الاختيار


تحياتي لك ،،،،