لغز وليد اللحظه حلته عهود صح وصح تفكيرها

[{ أبوفيصل }]

السلام عليكم ورحمة الله وبركاته

وشهن اللي جنب بعضهن كلهن
وسط أبوهن مع بعض متجاورات

بنت ،، تجلب للعيون أحبابهن
وبنت ،،، همٍِ للعيون المرقبات

البِني ،،، ثنتين ،،،، في محلهن
وانت لامن شفتهن متخالفات

[عهود]

وعليكم السلام

صح لسانك يالعطاوي

وش رايك في نصايب القبر
الله يحسن خاتمتنا ويجمعنا في جنات النعيم

[{ أبوفيصل }]

هلا عهود حياك الله
صح عمرك ... الرمعه مالك لواا

[عهود]

بوابة القادمون والمغادرون في المطار

[{ أبوفيصل }]

الله الله.. ياعهووووود شقرديه وبنت رجال
صح فكرك وتفكيرك وصح عمرك ملاييين
.... في قلب🎯الهدف ....
.. بوابة القادمين والمغادرين..
( صالة القدوم ) 🏤و🏤 ( صالة المغادره )
ابوهن 🚞 ( المطار )

[إبن ثعلي]

تأييد لرمعة الاخت عهود وابوهن المطار

[{ أبوفيصل }]

تأييدك في محله لاهنت

[عهود]

تقوله صادق !!! حنا نجيب الكايده حنا عتابه




ماعليك زود يالعطاوي ولايهون من ايدني اخوي ابن ثعلي
الله يسلمكم جميع

[عهود]

شكل العطاوي مشغول في تحضير الغاز ماهوب لغز استعد يا ياابن ثعلي اللغز قادم لا محاله 😎

🤣🤣🤣

[إبن ثعلي]

المشاركة الأصلية كتبت بواسطة عهود شكل العطاوي مشغول في تحضير الغاز ماهوب لغز استعد يا ياابن ثعلي اللغز قادم لا محاله 😎 🤣🤣🤣

خليه يجي اولاً والمعونة بالله