السحر الحلال............................................

[حورية نجد]

[poem=font="simplified arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=1 line=0 align=center use=sp num="0,black""]
عندي حنان(ن) لو يوزع على الناس = أغرق جميع الخلق وغطى الجزيره
ماهي الجزيره بس كل (ن) بها حاس = كني بوسط الكون مثل الأميره
وعندي لكل انسان قدر(ن) ومقياس = وامشي بحكم الله ولأمره اسيره
امشي على السنه وكاسيني اللبآس = واتبع طريق اللي امرنا بسيره
سحر(ن) حلال بطلتي وأوجع الراس = من شافني مره تحدد مصيره
يمشي يهوجس شارد الفكر منحاس = واخذ يفكر وينها ف اي ديره
انشد وتلقى العلم في مجلس الناس = حتى الملك فيني يشاور وزيره
ماجبت من عندي شهادة لجلاس =والزود واجد مير هاذي قطيره[/poem]

(اهداء خاص لاقاربي ..ومحارمي..واخوي الله يحفظه ولايوريني غلاه فديته)
ياشعراء ومتذوقين آرائكم تهمني.......

[حورية نجد]

محجوز..
حجزناه للشيخ الله يحفظه للنقد..

ولكبار الشخصيات......

تكفى يافهيد خف علينا بالنقد ...شكلك ناوي على شي هههه

[فهيد مقعد الرويس]

المشاركة الأصلية كتبت بواسطة حورية نجد محجوز.. حجزناه للشيخ الله يحفظه للنقد.. تكفى يافهيد خف علينا بالنقد ...شكلك ناوي على شي هههه

الله يحفظه

لاماعليك مازلتي تحت الخطوط الحمراء ههههه

وابا اترك الفتوى فالنص لاهل الفتوى

وصح لسانك مدد

وننتظر المزيد من الابداع

[فهيد مقعد الرويس]

حجز

ملكي

لأ السبك الفريد

ولي عوده بأذن الله

تحيتي

[وجودك يكفي]

انشد تلقى العلم في مجلس الناس = حتى الملك فيني يشاور وزيره

أتوقع نسيتي ياحوريه حرف الواو
انشد وتلقى العلم


صح لسانك ياحورية على القصيده وبصراحه رائعه

دمتي كما انتي

[حورية نجد]

فعلاً اخوي نسيت الواو احترامي لاعدمناك

[دمي عتيبي]

امشي على السنه وكاسيني اللبآس .... واتبع طريق اللي امرنا بسيره

الله الله

تسجيل اعجاب وتقدير .. وصح لسانك حورية نجد

ابدعتي .. وننتظر جديدكـ

[حورية نجد]

شكر خاااااااااااااااااااااص لكل من حجز
وكل من مر من هنا................وانعشني بمروره
تحيااااااااااتي

[حورية نجد]

الله لايحرمنا تواجدك...............اختي دمي عتيبي

لكي كل التقدير عيوني.......

[ناصر بن سعدي]

صح لسانك أختي حورية نجد

وأبيات إستعجلتي فيها ..


ولكن صح لسانك وبإنتظار جديدك ..

وعندي كم سؤال لـ الفائدة فقط ..


والزود واجد مير هاذي قطيره

قطيرة وش تقصد به الشاعرة ..؟


ماهي الجزيره بس كل (ن) بها حاس

والصدر هذا ممكن تفسرينه لي ..؟



وبالتوفيق لك ..