فوزكـ يابن عاصم ينومس عتيبه..!!

[فهد الشيبــانى]

[align=center]السلام عليكم ... اليوم جايب لكم اول قصيده الي وهي بمناسبه شاعر المليون وشاعرنا يوسف العتيبي ولد عمنا.. نرجوا منكم الرد والنقد لابد منه بس يكون بناء ... اتركم مع القصيدهـ...[/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

فوزك يابن عاصم ينومس عتيبه=يشرف الروقه وعزن لبرقا
مبروكـ يانسل الرجال العريبه=خل القلوب اللي بها الحقد حرقا
ياسيفنا اللي فاللقا نعتزيبه=خليتهم فالدرب ونيا وشرقا
والله ولا نرضى هوان وغليبه=فعلا من اللجنه على الكبد عرقا
ناس تبي تحطيمك تسف خيبه=على علابيهم المياسم تعرقا
حنا عتيبه ماعلينا صعيبه=نصعد لهامات المعالي ونرقا
ذباحه الحايل ولاهي غريبه=لطامه العايل ليا جت فرقا
مثل الجبال النايفات المريبه=اللي نوابيها من السيل غرقا
ليا وقفنا فعلنا ينحكيبه=خذنا المراجل غصب ماهي بدرقا
جتنا بحد السيف طوع وغصيبه=وضرب القنا والشلف طعنا وزرقا
سطر لنا التاريخ سمعه وهيبه=ينومس العتبان غربن وشرقا
تشهد لنا وجه السنين الشحيبه=وغنت لنا في صرح الامجاد ورقا
رجالنا ياسعد من ينتخيبه=ماله عن الميقاف صده ودرقا
موتن على كل العدا يندعيبه=لعيون من تحشم ورا البيت طرقا
الاسم واحد والمضارب عطيبه=نبقى سنام العز روقه وبرقا[/poem]


[align=center]اهداء لكل عتيبي ...... تقبلوا تحياتي........[/align]

[ابوخشبه القوبع]

هاذي وهي اول قصيده لك اجل الثانيه وش لونها الاخ فهد الشيباني بيض الله وجهك وقصيده مافيها كلام وترفع الراس تقبل تحياتي وبالتوفيق

[فهد الشيبــانى]

المشاركة الأصلية كتبت بواسطة ابوخشبه القوبع هاذي وهي اول قصيده لك اجل الثانيه وش لونها الاخ فهد الشيباني بيض الله وجهك وقصيده مافيها كلام وترفع الراس تقبل تحياتي وبالتوفيق

لاهنت يالغالي وابشر بعزك القادم احلى ولاتستعجلون خلوها على نارن هادية ههههههههه
وشاكر مروك ............. تقبلي خالص تحياتي

[نايف بن ناجي]

بيض الله وجهك وقصيده مافيها كلام وترفع الراس تقبل تحياتي وبالتوفيق

["بيطـــار نجـد"]

[align=right]اخوي فهد الشيباني
صح لسانك.. قصيدتك جزلة
ومعانيها راقيه

انا عندي بعض الملاحظات الخفيفة على طاري الانتقاد وامل انك تاخذها بصدر رحب يا ياخوي يا فهد على القصيدة

بالنسبة للمعاني:
البيت الثاني ... قلت ( مبروك ) على شئ لم يتحقق بعد .. يعني في المستقبل
لو استبدلتها بكلمة ( يزهاك )
البيت الخامس .. الشطر الثاني غير مفهوم (او غير واضح)
البيت الاخير .... لوقلت (ويبقى سنام العز) صارت اكثر تأثير من (نبقى سنام العز)
بذلك تقول للقارئ انه شئ مسلم به .. لكن بمعناك ( نبقى ) كأنك موضع مدح واخذ ورد.

بالنسبة للاوزان:
الاول يشرف الروقه وعزن لبرقا .... لو قلت ... تفخر به الروقه وعزن لبرقا او قلت ... عزن مع الروقه وعزن لبرقا
السابع لطامه العايل ليا (جت) فرقا ... لو قلت ... لطامه العايل ليا (جات) فرقا

احلى تحية لك يا فهد

بيطـــار نجـــد[/align]

[فهد الشيبــانى]

المشاركة الأصلية كتبت بواسطة "بيطـــار نجـد" [align=right]اخوي فهد الشيباني صح لسانك.. قصيدتك جزلة ومعانيها راقيه انا عندي بعض الملاحظات الخفيفة على طاري الانتقاد وامل انك تاخذها بصدر رحب يا ياخوي يا فهد على القصيدة بالنسبة للمعاني: البيت الثاني ... قلت ( مبروك ) على شئ لم يتحقق بعد .. يعني في المستقبل لو استبدلتها بكلمة ( يزهاك ) البيت الخامس .. الشطر الثاني غير مفهوم (او غير واضح) البيت الاخير .... لوقلت (ويبقى سنام العز) صارت اكثر تأثير من (نبقى سنام العز) بذلك تقول للقارئ انه شئ مسلم به .. لكن بمعناك ( نبقى ) كأنك موضع مدح واخذ ورد. بالنسبة للاوزان: الاول يشرف الروقه وعزن لبرقا .... لو قلت ... تفخر به الروقه وعزن لبرقا او قلت ... عزن مع الروقه وعزن لبرقا السابع لطامه العايل ليا (جت) فرقا ... لو قلت ... لطامه العايل ليا (جات) فرقا احلى تحية لك يا فهد بيطـــار نجـــد[/align]

حياك اخوى بيطار نجد ....وابد صدري يوسع نجد واهلها امر بس...
انا قصدي مبروك يوم ان اللجنه عطته نتيجه قليله عرفت شلون...
اما بالنسبه للبيت الخامس..الشطر الثاني فهو المياسم عبارة عن أله حديديه يستخدمونها البدو لوسم الابل حقتهم والعلابي هي قفا الرقبه من خلف فهمت شلون.. اما بالنسبه للاوزان فان شاء الله انى بنقح القصيده في المستقبل وشاكر لك مرورك وردك ونقدك الهادف والبناء وتقبل خالص تحياتىىىىى.....

["بيطـــار نجـد"]

[align=center]من طيب اصلك يا فهد
لكن خذ هالملاحظات بعين الاعتبار

ومثل ما ذكروا الاخوان ... اذا كانت هذي اول مشاركة كيف بتكون الجايات

الله يوفقك

تحياتي
بيطـــار نجـــد[/align]

[فهد الشيبــانى]

المشاركة الأصلية كتبت بواسطة "بيطـــار نجـد" [align=center]من طيب اصلك يا فهد لكن خذ هالملاحظات بعين الاعتبار ومثل ما ذكروا الاخوان ... اذا كانت هذي اول مشاركة كيف بتكون الجايات الله يوفقك تحياتي بيطـــار نجـــد[/align]

ابشر ابشر يالغالي ........وشاكر لك حرصك اللي من جد رفع معنوياتي
والجايات عاد امرها هين ...وشاكر لك مجددا

[فهد الشيبــانى]

المشاركة الأصلية كتبت بواسطة نايف بن ناجي بيض الله وجهك وقصيده مافيها كلام وترفع الراس تقبل تحياتي وبالتوفيق

مشكور حبيبي ولاهنت وشاكر لك مرورك وردك الثمين وتقبل خالص تحياتي

[ريم النفوود]

حنا عتيبه ماعلينا صعيبه...نصعد لهامات المعالي ونرقا
ذباحه الحايل ولاهي غريبه...لطامه العايل ليا جت فرقا
مثل الجبال النايفات المريبه...اللي نوابيها من السيل غرقا
صح السانك اخوي فهد ونعم بالهيلا ونعم وسبعت انعام تقبل مروري