كل من عاش بالدنيا يشوف العجايب

[الصهد]

http://gsayed.z7mh.com/watch161.html

كل من عاش بالدنيا يشوف العجايب
مثل ماشفت بالدنيا وشفته باهلها

قمت ابرق وافرق بين مخطي وصايب
مثل فرق الجبال النايفه من سهلها

والتوافيق عند الله حظوظ و وهايب
عند رب يجازي كل نفس بعملها

اشهد ان الهدوم يسترن المعايب
اثرها تستر الحرمه وتستر فحلها

الاوادم بعضهم مثل وصف الجلايب
لو توحد بها ذيب الخلا كان اكلها

كم صبي تحسب انه عطيب الضرايب
وان بخصته كرهت الديره اللي نزلها

مايسر ان حضر وان غاب ماقيل غايب
مار الارزاق عند رب لخلقه كفلها

مايضد الضديد ولايفيد القرايب
يوم نفسه تعدى حدها من زعلها

وفيه رجل يحل المشكله والنشايب
كل ماحملوه الواجبات احتملها

واقف للزوم ومرتكي للنوايب
والحمول الثقيله مالها الا جملها

ليت روحه قبل تركز عليه النصايب
حط عنه اربعين من الزلايب بدلها

وفيه منهو مسالم مايحب الطلايب
مشتقى من رضى نفسه ولا من زعلها

وفيه منهو اذا كبرت عليك المصايب
ساق وجهه وجاهه لك ونفسه بذلها

وفيه منهو يبا الجودا فلاشك هايب
كل ماناض صدره جى عضوده خللها

وفيه منهو يحل المعجزات الصعايب
اصغر افعاله الجزلات محدن فعلها

وفيه منهو يعيش وعيشته بالسبايب
كل ماسمعله غلطة من رفيقه نقلها

وفيه منهو على نفسه رضى بالغلايب
الله اللي رفع نفس ونفس خذلها

لو تبي تنصحه لله نجر الهبايب
انكرك والنصيحه ردها ماقبلها

اشهد انه عقوبه من كبار العقايب
قاصر المعرفه قلبه كما قلب بلها

[أنثى نادرة]

[align=center][tabletext="width:70%;background-image:url('http://www.otaiby.com/vb/backgrounds/18.gif');border:5px solid purple;"][cell="filter:;"][align=center]
قمت ابرق وافرق بين مخطي وصايب
مثل فرق الجبال النايفه من سهلها

صح لسانه

وتسلم يمينك على النقل

وعقلك على الاختيار الصائب

قصيده تحمل الواقع اليوم للأسف

لاهنت على الابداع[/align][/cell][/tabletext][/align]

[صمت السنين]

وفيه رجل يحل المشكله والنشايب
كل ماحملوه الواجبات احتملها



واقف للزوم ومرتكي للنوايب
والحمول الثقيله مالها الا جملها


صح لسانك الصهد قصيده جميله يسعدك

[وجودك يكفي]

صح لسان القايل وتسلم يمين الناقل

لاهنت يالصهد على الاختيار والطرح الجميل

احترامي

[الصهد]

لاهنتوا شرفني مروركم
الله يعطيكم العافيه
تحياتي وتقديري ...

[شـوآق]

الصهد

اشهد بالله انك اخترت .. ومن غير احمد الناصر نطرب له ؟
اسال الله ان يطول بعمرهـ على طاعته . ويعافيه


صح لسانه وسلمت يمناك
كل التحايا لك

[الصهد]

المشاركة الأصلية كتبت بواسطة شـوآق الصهد اشهد بالله انك اخترت .. ومن غير احمد الناصر نطرب له ؟ اسال الله ان يطول بعمرهـ على طاعته . ويعافيه صح لسانه وسلمت يمناك كل التحايا لك

ومن قال سالم
شرفني مرورك ياشواق واسعدني
الله لايهينك
تحياتي وتقديري

[.*إنـْسَـآن عَـآدِي*.]

السلامُ عليكُم ورحمة الله وبركاته

صح لسان شاعرها وعلى شانه

اشهد انه صدق بالوصف

لاهنت اخي الفاضل الصهد على النقل

دمت بحفظ الرحمن

* * *

[الصهد]

المشاركة الأصلية كتبت بواسطة .*إنـْسَـآن عَـآدِي*. السلامُ عليكُم ورحمة الله وبركاته صح لسان شاعرها وعلى شانه اشهد انه صدق بالوصف لاهنت اخي الفاضل الصهد على النقل دمت بحفظ الرحمن * * *

وعليكم السلام ورحمة الله وبركاته
الله لايهينك اخوي انسان عادي
شرفني مرورك الله يحفظك
تحياتي وتقديري

[أحمد العصيمي]

قصيدة رائعه

شكرا لك