يالبى عيونـك الحـورى يالبـى قامـك الميـاد

[نوف]

أتمنى تحوز على إعجابكم كما أعجبتني

يالبى الطارش اللي ساق لي صوت الحبيب وعاد
يالبى قلبهـا الطاهـر مـن ادناهـا لقواصيهـا
هلا والصوت به بحه تماري به بنـات الضـاد
هلا باللـي خفـق لـه كـل وجدانـي يناديهـا
سلام ازكى من الكادي سلام اوفى مـن التعـداد
سلام العاشق الصبّـا علـى المضنـون يبديهـا
يالبى شعري المفجوع من غبتـي غـدى حـداد
ويومه غيمك السامي مطرني قلت ابـي اهديهـا
يالبى قيس مع ليلـي وعبلـه مـع ابـن شـداد
يالبـى كـل عشـاق العفـاف وكـل امانيهـا
يالبى عيونـك الحـورى يالبـى قامـك الميـاد
يالبى هالحشـى أللـي يضـم احنـى خوافيهـا
تعالي يا بعـد كـل القصيـد وفكـرة القصّـاد
حرام الشعـر فـي غيـرك اذا ابـدع قوافيهـا
انـا مـا جابنـي الا شعـورٍ صـادقٍ ينعـاد
والا يا حادي الفرقى لا عـاد تجيـب طاريهـا
انا جسمٍ نحل عظمه وطرف ٍ غـارق ٍ بسهـاد
وانا قلـبٍ وقـف نبضـه وانـا روحٍ تناجيهـا
وانا الشاعر وانا العاشق وانا اللي لاجلها نشّـاد
وانا اللي كل ما قالت ا/ح/ب/ك ذبـت بعنيهـا
ابا اعلنها على روس الملا مع حضـرة الشهّـاد
ابـد مـا همنـي قولـة متيـم صـار يغليهـا
الا تبت حروف الشعـر وتبـت نيـة الحسّـاد
مدامي شاعر الابـداع غـروري اعتلـى فيهـا
اباك ولا ابي الا وصالـك مـن زمـان ٍ بـاد
وغيرك لا حشـى والله لروحـي مـا يواسيهـا
هي الفكره هي المعنى عصيه عن هوى النُقّـاد
مزيج ٍ من بحور الشعر وجتني فـي مراسيهـا
الا يا نبعي الصافي غـدى شوقـي لكـم وراد
واذا ضيم العطش يطغى ابانكر نفسي واسقيهـا
جمال فيك مـا شفتـه ولا لـه بالدنـى انـداد
دعايه كل حسن الكون لزين اللـي انـا اعنيهـا
تعالي جاوبي هـاك السـؤال الحايـر المنعـاد
بعد ما طالت الغيبه.. ابا اسأل عن مراميهـا؟؟
هو تغلي او ظروفك او غـرورك بـدى يـزداد
او ان الناس نمت لـك تبـي تعكيـر صافيهـا!
هو التقصير من يمي او التقصيـر منـك جـاد!
او غصون الغلا هشّت ونـاح الـورق ينعيهـا؟
واذا كان الجواب انك رضيتـي لقلبـي الوقّـاد
امانـه اذكـري اول حـروفـي لا تناسيـهـا
يالبى الطارش اللي ساق لي صوت الحبيب وعاد
يالبى قلبهـا الطاهـر يالبـى كـل مـا فيهـا