( ماني بـ اعاين هرج داحم ودحام ) من اروع مساجلات بندر بن سرور وسهل الكسر

[رشيد الكسر]

يقول بندر بن سرور

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
والله لاغني ياسهل وارفع الصوت = بـ اعاين هرج داحم ودحام
لي صاحبٍ مابين درٍ وياقوت =واسمه بريحاني على عنبر الشام
لاعاصمة لندن ولا سوق بيروت = ولاكافرٍ يسلم ولا هو برحام
ولولا الحيا واخشى حسابٍ بعد موت = لاهد لي يالكسر ركنٍ بالاسلام
[/poem]


واجابه الشاعر سهل بن عقاب الكسر


[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حنا سكنا اللي يسمونه الكوت = دار الصباح اللي بها كل ضرغام
ولانيب من يزرع دناميت موقوت =والصدق راس العز والكذب هدام
ضربتنا غبة بحر فوق تابوت = لاشك انا عندي من الجن خدام
صاحبك يابندر حكم حكم طاغوت = مدري علامك مرقبٍ له من العام
مالك ومال مراقب الصاحب اللوت =اللي فتلّ لك سلك الادراك باحكام
خلك طلع بين التماثيل مثبوت = اشارةٍ بيني وبينك بالاقلام
[/poem]

ملاحظة : الشاعر سهل بن عقاب هو عم الشاعر المعروف سهل بن نايف الكسر

اجمل التحايا

[اخر رجل]

رشيد الكســـــــر ..



لاهنت على ماطلعتناء علية من قصائد ومعاني جميلة للشاعرين العملقين رحم الله الشاعر بندر أبن سرور

تحياتي لـــــك .

[رشيد الكسر]

المشاركة الأصلية كتبت بواسطة اخر رجل رشيد الكســـــــر .. لاهنت على ماطلعتناء علية من قصائد ومعاني جميلة للشاعرين العملقين رحم الله الشاعر بندر أبن سرور تحياتي لـــــك .

لاهنت على مرورك

ارق التحايا

[اسيرالشوق]

رشيد الكسر مشكوووررررررر
ولا هنت على النقل

وصح لسان الشاعرين

[رشيد الكسر]

المشاركة الأصلية كتبت بواسطة اسيرالشوق رشيد الكسر مشكوووررررررر ولا هنت على النقل وصح لسان الشاعرين

الله لايهينك يااسير
ومشكور على المرور

تحياتي

[عذب السجايا]

اشكرك اخي رشيد
مساجله جميله
وشعراء اعلام كبار غنيين عن التعرف
يرحمهم الله
بس الغريب أني آول مره اسمعها

مأدري هل هي في دواوين أحدهم أم أنت ناقلها عن طرف آخر

[رشيد الكسر]

المشاركة الأصلية كتبت بواسطة عذب السجايا اشكرك اخي رشيد مساجله جميله وشعراء اعلام كبار غنيين عن التعرف يرحمهم الله بس الغريب أني آول مره اسمعها مأدري هل هي في دواوين أحدهم أم أنت ناقلها عن طرف آخر

اهلا وسهلا ياعذب السجايا

الجميل والله مرورك يالعذب ..
والمساجله ليست بديوان بندربن سرور رحمه الله
ولازال الشاعر سهل بن عقاب حي يرزق .ولم يصدر له ديوان
وليس بغريب انك اول مره تسمعها .

ارق التحايا