افتراضي مشـــكلـة بعض الهمــوم الخفيه مــاتبين

[ليل وقصيّد]

لا ضوى ليلي ونامت عيون الغافلين .. طار نوم العين وإدموعها في موقها ..




الصــدر من ضيقتــه باح ســده بالونين ..أشهد إن الليل سم القلوب وعوقها ..




مشـــكلـة بعض الهمــوم الخفيه مــاتبين .. لين يأتيها ظلام المساء ويسوقها ..




ولا بـغيت النــوم حزة مـنام الــهاجعيــن .. جرت النفس الحزينه لحن طـاروقها




ياوجودي وجد عودن شكا هم السنين ..شاف نفسه في زمانه تضيع إحقوقها ..




خابـرن قـدره مـن أول على سمن وسميــن ..عين يعميها بفعل وعين يشوقها ..




وفــي المــواجه لا حضــر يجعل القاســي يليــن .. والعدا من هيبته يختلف منطوقها




لاح شـيبــه في زمانــه ولا عنده عـويـن ..الليــالـي شيبت به وصـعب يحوقــــها




ذا وجــودي سبــت الهــم والجرح الدفيــن ..والسعــاده سلعةٍ ما عرفناسوقها




شيـب عيني طال صبــري عسا الدنيا تــزين..والصبــر غلق وكبدي قطع معلوقها

[تباريح الروقي]

ولا بـغيت النــوم حزة مـنام الــهاجعيــن .. جرت النفس الحزينه لحن طـاروقها


صح لناا اختيارك... وتحيياتي.,<

[ليل وقصيّد]

تباريح
وحضورك ياغناتي
حياك / نورتي

[هماليل نجد]

بارك الله فيك على الطرح الرائع
الله يعطيك العافيه تحياتي وتقديري

[إبن ثعلي]

صح السانك ياليل وقصيد
قصيدة لايعلى عليها
وتحياتي لك