على عاتق كلٍّ " منّا " ...
مهمّة " الإرشاد والتوجيه " ...
ومناقشة ما يستجدّ من أحداث بمنهجيّة " معتدلة " ...
بعيدةٍ عن التطرف و " الغوغائيّة " ...
.
.
ومن هذا " المنطلق " ...
يعبّر شاعرنا /
ضيف الله بن هذال بن هنيدس العضياني
...
عن ما يشاهده من مستجداتٍ على الساحة تخالف المنهج الصحيح ...
وله الحق في إبداء وجهة نظره " حيالها " ...
كما يحق للغير " معارضتها " ...
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا ناس ويش أخلف عقول الرياجيـل=شيٍّ حصل يا ناس ويـش اتحليلـه
منابـر الإعـلام صـارت تماثيـل=يحكي هذا و أصبح هذاك يحكي لـه
وأصبـح يعـدّل بالمقـالات تعديـل=مستخـدمٍ حبـره وعلبـة مزيلـه
صفحاتها أكثرهـا مدايـح وتبجيـل=إما على كشـف الحقايـق بخيلـه
هـذا كذوبـآ صجنـا بالدهـاويـل=ياصـف هـذاك بحالتـآ مستحيلـه
وهذا يبـا يأخـذ ملاييـن بالكيـل=وهذاك خايف مـن هـذا لا يقيلـه
وكان المديح يغير الوضـع بالحيـل=لاخيـر فـي الممـدوح وعزتيلـه
ليت الخطاب يحلل الوضـع تحليـل=وليـت القلـم مايكتـب إلا جزيلـه
وليت الصحاح يسكتـون المهابيـل=الكـاذب المحتـال ويـش يهذيلـه
يكفي نفاق ورخص كلمـه وتظليـل=الله عسـى عـن مجتمعنـا يزيلـه
وليت الخفافيش الذي فأخـر الليـل=يدهـا علـى ثـروة بلدنـا طويلـه
ينظرلهـم نظـرة رجـالآ حلاحيـل=فالحال لين السيـل يعبـر مسيلـه
يكفـي فسـاد وللمشاريـع تعطيـل=وهو كان يحمل وجبته فـي زبيلـه
وليت النساء ما خالطـآ الرجاجيـل=ياوي مـن جـدرآ جرفنـا بسيلـه
هن وزملاهن خشرة فـي الفناجيـل=تضحك لذاك وهـي للأخـر حليلـه
أقـول عـزو لابسـات الخلاخيـل=فالدين والحشمـه وطبـع الأصيلـه
وقولوا وداع لسيرة أهـل التنافيـل=الغيـره اللـي كفنـوهـا قتيـلـه
وليت الرجال اللـي للأمـه قناديـل=يترفعـون عـن الفتـاوي الذليلـه
صـارت فتاوانـا منصـات تمثيـل=كـلآ علـى كيفـه يـورد دليـلـه
ضاع الهدى بين إختـلاف الأقاويـل=من كان له غايه صنعلـه وسيلـه
كنّ الشرايع تنتهي بـ" انتهى " الجيل=وكنّ اعلمانـا كـل عالـم لجيلـه
والدّين واحد ما حصل فيـه تبديـل=تشريع خالـق لا " مبـادي قبيلـه"
منهج نزل من خالق الكـون تنزيـل=على خيار الخلق ويش انحكـي لـه
نور وهدى لأعدل طريق وتفاصيـل=يجلى الظلام اعن القلـوب العليلـه
جرعة شفاء من كل سقم وغرابيـل=يروي ضمـا شرابتـه سلسبيلـه
وحنا نحولها على الكيـف تحويـل=امجامله لـ" اهل " المبادي الدخيلـه
نعمل مـن القـرآن عـدّة مواويـل=والواجبه صـارت تسـاوي النفيلـه
نقرب لمبدأ زمـرة الغـرب ونميـل=باقـي قليـل ونتبـعـه ونهديـلـه
عنا الصواب أبعد من الجدي لسهيـل=لـو بـررو بمبـرراتـآ هزيـلـه
اللهم لا قــوة إلـنـا ولا حـيـل=ألا بحيـلٍ منـك فـي كـل حيلـه
نسألك يا مروي ضما الأرض بالسيل=يا إلهنا معطـي العطايـا الجزيلـه
عن مجتمعنـا ذلـل البغـي تذليـل=وقلّـل وجـود مشجّعيـن الرذيلـه
و ارشد ولاة الأمر عن مسلك الميل=و إهد اعلمانا لـ" اختيار " الفضيله [/poem]
| 
|
12-29-2009, 01:20 PM
ليت النساء ما خالطـآ الرجاجيـل ؟؟؟
العرض المتطور
