[poem=font="Simplified Arabic,6,blue,bold,italic" bkcolor="deeppink" bkimage="" border="none,4,deeppink" type=2 line=0 align=center use=ex num="0,black"]
يابنت لو عن قاصي القلب تدريـن=وعن هاجسن بالصدر ناره سعرهـا
يحرم عليـك بليلـك انـك تناميـن=وان العيـون الياامتحنهـا سهرهـا
ياروحـي انتـي غاليـه لاتغليـن=روحي ترا كثـر التغلـي قهرهـا
ياما صبرت ايام وشهـور وسنيـن=صبرة لين الـروح جبتـي خبرهـا
صبرة صبرا منـه ذقـة الامريـن=اصبر من اجلك والدروب اختصرها
ان كان من رب الخلايـق تخافيـن=لاتتركيـن الـي حياتـه خسرهـا
روفي بحالـي ياعـذاب المحبيـن=روفي بحالـن زود حبـك دمرهـا
انتـي ملكتينـي بلـيـا قوانـيـن=لاكـن بقانـون الجمـال اعتبرهـا
صحيح غيرك في العذارا مزاييـن=لاكن ويش جاب النجـوم القمرهـا
ياسعود والله مابعـد زينهـا زيـن=انا اعتبرهـا عبرتن من عبرها
جمالهـا يرجـح بكـل الموازيـن=ومن الجمال الناس تلفـت نضرهـا
من زينهـا كـن العـذارا مجانيـن=انا اشهـد ان الله عليهـن ومرهـا
كذا وصايفها صراحه علـى الديـن=ووصوفها رب الخلايـق حكرهـا
ماشفة من يشبـه حلايـاه بالعيـن=في المملكه مـن برهـا لابحرهـا
تشبه ال وضحا تيهوهـا الشيابيـن=ثنيتـن حايـل تحـارش وبـرهـا
والجسم غصنن في حديقة سلاطيـن=في شجرتن غطـا ورقهـا ثمرهـا
والخد برقـا لاح والنـاس ممسيـن=في مزنة يـرو البسيطـه مطرهـا
والعين عين الي كفـخ بالجناحيـن=لاهوا على جول الحباري حشرهـا
والعنق ريمن حاز بيـن الصلاتيـن=ريميتـن تمشـي ولدهـا باثـرهـا
وكن المحيـا لاقبلـت والذراعيـن=الشمس لاشعشـع علينـا سفرهـا
والخشم سلة سيف والقـرن باعيـن=والشال كنه قطعتـن مـن شعرهـا
الي ظحكت كن الشفايف ورق تيـن=واذا حكت كن العسل فـي ثغرهـا
والرمش مثل الريش والا الحجاجين=موتن حمر تقضي على من نضرها
والصدر شكل امرايتن كلها صيـن=وكن النهد تفاحتـن فـي شجرهـا
ان عرضة تمشي غدا الجسم نصفين=واذا اقبلت كن القمر فـي نحرهـا
والردف لاقفت يشلع الثوب وتبيـن=ساقـه فضحهـا ثوبهـا ماسترهـا
والخصر ناحل والحشا بين قوسيـن=ضامر وكنه لاصقن فـي ظهرهـا
اقصر طويله طولها اميه وسبعيـن=واقصر طويله درتن مـن دررهـا
فيها شبوهيـه مـن الهـام شاهيـن=ومن ليلى علوي تاخذ احلا صورها
وفيها من ديانـا تواضـع كريميـن=ومن تاتشر فيها حماسـن شهرهـا
تملك جمال القرن واحد وعشريـن=لو تفتخـر شيـن طبيعـي فخرهـا
تشبـه اعفـرا دللوهـا شيابـيـن=ثنيتـن حايـل تحـارش وبـرهـا[/poem]
| 
|
02-21-2007, 08:31 AM
المواضيع المتشابهه
العرض المتطور
