[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سلامي على آلاد القثامي هل المقدار=تحيّه لربعي بأطيب الطيب اعطرها
عن آلاد سامر بأسم ابن زيد للاحرار=من الراس للعبود فكري مصدرها
رسالة محبّه تحمل القدر والمعذار=للآد القثامي بالمعزه نسيرها
يآلاد القثامي مارضينا عن اللي صار=لكن الامور تسير والله مدبرها
وغيب الليالي يعلمه عالم الاسرار=والاحداث قبل تصير يصعب تصورها
وصار المقدر والعوارف هل الابصار=تحل الصعاب بقدرة الله بصايرها
ولاتسمعون اقوال من ينقل المنشار=يبا ينهي حبال الرفاقه ويبترها
وحنا سواء وانتم ولاهمنا الهذار=ضعاف العقول اللي وساع ٍ حناجرها
ترى ما ظهر من قول وادلوا به الاشرار=علوم ٍ يمين الشرع نجهل مصادرها
ولا نستمع فيها ولا جالها ايّ آثار=هروج تطير مع الهواء من يدوّرها
عسى اللي وراها كلهم في جحيم النار=وزرّاعة الفتنه عسى الله يدمّرها
وحنا بني عم ّ ورفاقه ولا نندار=عن سلومنا اللي مستحيل ٍ نغيّرها
جمعنا بكم رفقه ومنسب وحسن إجوار=عواني وربع وكل خصله نقدرها
يآلاد القثامي ياهل المجد يالاخيار=يارمز الوفاء يالعزوه اللي مفاخرها
تزيح الظلام وكنّها الشمس فالنهار=امثل بها للشمس والكل خابرها
نبا وقفة ٍ منكم ومنا على المعبار=تعز القبيله لين تبهج خواطرها
علينا لبعض حقوق من ماضي الادوار=ذخرها الجدود اللي حفظنا مذاخرها
وحنا تحت حكم ٍ يظلل من الاخطار=تحت ظل حكام الجزيره ووامرها
ملوك ٍ سعوا بالعدل في ساير الاقطار=عداله ودستور الشريعه منّورها
نظام ٍ على التوحيد مبني ولا ينهار=ونعمه عسى رب الملأ مايغيرها
[/poem]
شعر محمد دغيم السميري...
| 
|
07-26-2013, 04:50 AM
.gif "SnipeR (37)")
العرض المتطور
