( تغطي يا بنت هذا سعودي) ..

[الرومنسي]

[align=center]السلام عليكم ورحمة الله وبركاته

لفت نظري هذى الموضوع واحببت ان اشارككم النقاش
رغم انه يعتبر من المواضيع الاكثر استهلاكا وفي
كثيرمن المنتديات تم طرحه ومناقشته

ولكن لعل كثرة الطرح والنقاش يصحي بعض الضمائر
او يولد شرارة التوبه والرجوع لله ..
.
.
.
كالعاده شي بالعين تصدقه أكثر إن كان تكذب كلام الناس وهذا هو الواقع نبدأ الجوله

مشاهد وشاهد !!! ( موجهه لك ولكي)

تغطي يابنت هذا سعودي!!
طيب ليش ليش ؟؟؟

الموضوع صريح ويتحدث عن واقع نعيشه
وهنا بنقل لكم بعض المشــــاهد


المشهد الأول
^^^^^^^^^^^

فتاة تتحدث مع أحد العمال الأجانب وتسولف معه وتأخذ راحتها معه
ويدخل سعودي
تغطي كأنها ما كانت تكلم رجال زيه زي اللي دخل وغطي يا بنت سعوي.


المشهد الثاني
^^^^^^^^^^^
إمرأة تخرج للسواق أو العامل في المنزل بملابس عادية
لا عبايه ولا ما يحزنون بحجة أنه أجنبي عادي تكلمه بدون ما تغطي عليه
ولو دق الباب سعودي قالت غطي يا بنت سعودي.



المشهد الثالث
^^^^^^^^^^^
بنت تطلب عشاء من أحد المطاعم وطبعا يجيبها عامل توصيل الطلبات
تخرج تستقبل وتأخذ منه الطلب مع الشكر والتقدير وغطي يا بنت سعودي.




المشهد الرابع
^^^^^^^^^^^
مجموعه من الفتيات في أحد المجمعات أو في أي مكان ودهم يسألوا عن شي
صادفوا شخص لابس جينز وقميص لو سمحت يرد سمي
آووه آآآآسفين وغطي يا بنت سعودي < طلع سعودي.



المشهد الخامس
^^^^^^^^^^^
مجموعة بنات متوقفات بأحد الشوارع يطلبون لموزين
يشوفون اللموزين يأشرون اول ما يوقف اوووه سعودي
مشكورما ودنا خلاص وغطي يا بنت سعودي


وغيرها من المشاهد كثيررررررررررررررررر
طبعا كل المشاهد بمباركة الأب والإخوان وشي عادي
لو شاف بنته أو أخته تكلم أجنبي عكس لو شافها تكلم سعودي .....
قد يكون هذا التصرف عن جهل إلخ....
يعني من الممكن أن تكون هذه الفتاه على خلق
ومحترمة لكن مالقت من يوجهها إن معاملة الأجنبي
لازم تكون زي معاملة السعودي ومعاملة أي غريب
معليش شباب وبنات هذا الواقع اللي عايشين فيه ...
المشكله والله ..( كل الاجانب )عادي مولازم تغطي هذا أجنبي
( سعودي) ياخراشي والله سعودي تغطي يابنت الناس ..............


نبي نتناقش في هذا الواقع
اللي نشوفه بعينا في مجتمعاتنا الخليجيه
محتاج لتفسير صراحه !!


نشوف ردودكم للموضوع [/align]

[إبن ثعلي]

اعتقد ان هناك مبالغه في هذا الموضوع فالبنت السعوديه اشرف واطهر من تلصق بها مثل هذه التهم وان وجدت فإن لكل قاعدة شواذ
تحياتي

[الرومنسي]

المشاركة الأصلية كتبت بواسطة إبن ثعلي اعتقد ان هناك مبالغه في هذا الموضوع فالبنت السعوديه اشرف واطهر من تلصق بها مثل هذه التهم وان وجدت فإن لكل قاعدة شواذ تحياتي

شكرا يا ابن ثعلى على المرور

[روقي قرم]

مرحبا اخوي مجول

مشكور على موضوعك ولدي كم اضافه

بالنسبه ان البنات يكلمن العامل ولاجا السعودي تغطي
ماهو صحيح ممكن على بعض الاسر المتحضره

اغلب العمال السواويق لهم غرف مستقله خارج البيت
وكلامك هذا اول مره اسمعه
وان البنت تطلع وتجيب اغراض من العامل

بالوقت الحالي البيت مايخلا من الشغاله
الشغاله اهي الي تجيب
بس اذا فيه اخو هالبنت جالس بالبيت وتطلع تجيب الاغراض
اعرف انه ماعندك احد

اما البنات الي يدورون الاجنبي ويسالون هذولي فاسدات المفروض ماتشبهن ببناتنا الله يصلحهن
والي تبي تكسي وتدور الاجنبي هذي تبي ترتاح
هذي لان السعودي بيفضحها والا لااجنبي لاسوت معاه شي والعياذ بالله عطاها وسكت
يكرمن بناتنا عن هالاشكال
وفيه بعض الناس يدورون الاجنبي
الي يسوا السعودي
بعضهم والله آمن من السعودي
لان بعض السعوديين مابقلبه رحمه
ماقول غير الله يستر بنات المسلمين اجمعين ولايريهم مكروه


دمت بخير

روقي

[الرومنسي]

المشاركة الأصلية كتبت بواسطة روقي قرم مرحبا اخوي مجول مشكور على موضوعك ولدي كم اضافه بالنسبه ان البنات يكلمن العامل ولاجا السعودي تغطي ماهو صحيح ممكن على بعض الاسر المتحضره اغلب العمال السواويق لهم غرف مستقله خارج البيت وكلامك هذا اول مره اسمعه وان البنت تطلع وتجيب اغراض من العامل بالوقت الحالي البيت مايخلا من الشغاله الشغاله اهي الي تجيب بس اذا فيه اخو هالبنت جالس بالبيت وتطلع تجيب الاغراض اعرف انه ماعندك احد اما البنات الي يدورون الاجنبي ويسالون هذولي فاسدات المفروض ماتشبهن ببناتنا الله يصلحهن والي تبي تكسي وتدور الاجنبي هذي تبي ترتاح هذي لان السعودي بيفضحها والا لااجنبي لاسوت معاه شي والعياذ بالله عطاها وسكت يكرمن بناتنا عن هالاشكال وفيه بعض الناس يدورون الاجنبي الي يسوا السعودي بعضهم والله آمن من السعودي لان بعض السعوديين مابقلبه رحمه ماقول غير الله يستر بنات المسلمين اجمعين ولايريهم مكروه دمت بخير روقي

مشكور أخي الغالي الروقي على اطلالتك المتميزه ,,,


وعين الحر ميزان على ما يقولون (( كلامك في منتهى الذوق ))



شكرا على مرورك