أبيات أقدمها وأهديها لهذا المنتدى الغالي على قلوبنا جميعاً
[poem=font="simplified arabic,6,white,bold,italic" bkcolor="transparent" bkimage="backgrounds/10.gif" border="none,4,gray" type=2 line=0 align=center use=ex num="0,black""]
سلام الله سلامي ياسلامً مبتدىَ فحواه = على ارجال الوفا والطيب مايقْصر مدىَ حبره
أحـيّي كـلّ رجـالً ثبت بايمـانه وتقـواه = يصــافحـنا على الراي السـديد وياخــذ العـبره
أنا حصّلت لي جمعً تعيش أوطان في رجواه = وجيت أضم صوتي له ولىَ في نبرته نبره
شبابً من فراغه مل ياللي تستمع شكواه = يعاني من ظروف السّعْوَده والوقت يختبره
يذكّرنا زمانً فات ذيبً قام يجر اعواه = وحاضرنا شبيهه بالحلا والمر والصبره
ألاَ وابوي لادقّت نواقيس الخطر وابْواه = ورفرف ياعلم دامً مراقيب العِلا سبره
أنا ماشفت لامْفهّي ولامْفوّه وساع أفواه = زحول رجال صم جبال وجبر الحال من جبره
والا ياكم من حرٍ تكاشف للمطير أجواه = ليا ضاقت وساع البيد في عينه مشَلْ ابره
انا أدري لو تدهْوَر وضعه وصار الذي دهْواه = تشوم الـ عاهلً له في تجاريب الدهر خبره
ابومتعب ليا جت للمفاخر نفخر بشرواه = تعلّق فيه أمال وكل أملناّ فيه نعتبره
حكيمً يبخص اعراض الزمان اللي تلاشا ادواه = عسى عمره طويل ومن معه بالراي والدبره
رفيع الذات ماعمر انحنا للوقت لويقواه = على الطالات ودروب المراجل وافيً شبره
مقامه للرجوله والمعان الطيّبه تهواه = تجيه أغلا القصايد طوع ماهي فيه منجبره
وباقي موجز التفصيل عندي منتهىَ فحواه = يجيك ابها المشاعر هيض ماينقص مدىَ حبره[/poem]
وسلامتكم,,,
| 
|
07-01-2010, 12:11 PM
+ 
العرض المتطور
