بسم الله الرحمن الرحبم
هذه اول مشاركه لي معكم وانشاءالله تكون مشاركة الأخوه بينا
واكون ضيف خفيف عليكم
حبيت انزل لكم مقدمه في البدايه لاكن القصيده هي المقدمه واتنمى ان تقرؤها بجو هادئ لكي
تتمكنو من معاني ابياتها الخفيه
[poem=font="Simplified Arabic,5,red,bold,normal" bkcolor="transparent" bkimage="backgrounds/26.gif" border="none,4,gray" type=0 line=0 align=center use=ex num="0,black"]
مركب الشوووووق
البارحه يوم استمديت الافكار=واستدرجَن هاجوس راسي على الفور
اخذتِلي في محوَر الكون مشوار=من هجعت الغافي ليا فجّت النور
رَهَجت أحاسيسٍ تناجت بالاسرار=منها وفيها وافر العرف ميسور
تواردن فكري بتعقيد الاخبار=ودفعت زفرات الغضب عقب حاشور
زفرات مبليٍّ تنكّس على الطار=ليا سيطر الخا تم على روح مزيور
ضيّعت درب المعرفه والقدم حار=مما يخصّ الروح بالروح مقصور
روحن توقّد في جسدها لهب نار=يهزّها هز البراكين لصخور
باطرافها سيل الحمم مثل ا لانهار=تثور مما يرهب العقل وتفور
لين الشجر حتّت ورقها والاثمار=النار ما خلّت لها عروق وبذور
عظايم التشبيه من عمق الاضرار=نار القلوب الصادقه مالها سور
انا بدار وهافي الخصر في دار=دونه زمت جرد الجراهيد والقور
حبّه جذب روحي على الشرق محدار=وامسيت دار اللي له الروح ماسور
أرجي وأراجي واترجّا هل الدار=رجوا يهود المانيا وعد بلفور
لو المدى بعد المسافه والاقطار=جيته لو انه من ورا شط لاهور
من دافع الواقع ومكتوب الاقدار=لازم يجي لو قلت للنفس حاذور
جابتني القدره على غير مااختار=يزعلني أغلا غاليٍ يبدي لي الشور
كنّه يحشّ عروق قلبي بمنشار=ليا قال ماعندك خبر قلت مجبور
قال أيّ ساس وقلت تأثير تيّار=والناس كلٍّ له من العرف مقدور
ادركت عرفه من تصفحت الاسطار=وحقّي من الي تسمع أثلاث وعشور
فكّرت في جوهر معانيه تكرار=مجهود مشتاقٍ وتحليل دكتور
في منتهى الدقّه مقاييس وعيار=حتّى هقيت أنه من الروح مشقور
واللّي ستر بالعنكبوته رع الغار=وبجنح الدجا ناجى نبيّه من الطور
لاسابقه حبٍّ ولاغيره اختار=و زاده الله في جمالٍ من الحور
قلبي عشق حلو النبا ظبي الاقفار=هذا وأنا قلبي من الخوف مذعور
ناصيه منصى المتّهم لابن عمار=غصبٍ عليه لملحس النار مصخور
كنّي من اللي يطرق الروح زوار=قبر الحسين بكربلاء عشر عاشور
اسباب من عسكر على الكبد مسمار=ماعاد خلابي من الصبر مذخور
إن كان غيّر عن قراره بالانكار=تايه وفي مسعاه ماهو بمشكور
راع الغنم يتبع مواشيه بحمار=وراع البقر يسقي غروسه على الثور
يموت بذرالهون بنفوس الاحرار=وبذر الوفى فيها من الساس مبذور
رجلي مدارجها رفيعات وعسار=وبالدرب ماتنساق مع كل مثبور
والعين مالدّت على حرمة الجار=ولا ساقة النظره ورى كل غندور
خفيف نفس ليا تلقيّت خطّار=نـقّال كبر بمجلس فيه مغرور
لا جيت تقطع سالفة كلّ هذّار=داب الخباث بمجمع الطيب مشهور
ياللي خذابك مركب الشوق معبار=فكّر ترى المخلوق منهي ومامور
ارفع شراعه كان شفت الهوى دار=خله يفرّق هادي الموج بالزّور
وليا استوى صنع الطبيعه بالانظار=بين أزرقينن لامعالم ولانور
اقده على النجم الشمالي اليا سار=وباق الكواكب لوتعلّى حدر دور
يرضيك ربان السفينه بالاسفار=البر بيّن والمتـاهات ببحور
احذر ليا ضاق الفضا والبحر جار=عن الغرق يرسي مراسيه بنجور(1)
تمّت وصلّىالله على سيد الابرار=عداد مايذكر على الكون مذكور[/poem]
(1) بنجور : مرساة السفينه *
[/poem]
فلاح ابن مبرد الحميداني
| 
|
06-24-2006, 08:20 PM
العرض المتطور
