رفـيــقــك اللـــــي مايـقـــدر مـواقـفــك

[برقاوي هواوي]

[frame="7 80"]


رفيقـك اللـي مايقـدر مواقـفـك
ترى ربيـع القلـب بعـدة وفرقـاه

لياصـار لارجلـن مقامـة يشرفـك
ولا طيبـن تقـدر تحمـل خطايـاه

أحرص على فرقاة لومـن طوايفـك
ليا صار ماتقوى على شيل عوجـاه

ليـا صاردايـم بالمواقـف يخالفـك
ويفرض عليك الراي من غير ترضاه

منت أولد لـة يستهينـك ويعسفـك
ولا والدن ودك على مكسب ارضـاه

ولولا لزومـة بـول العـام عايفـك
ولو شاف طيبك عقب يومين ينسـاه

وان قلت له مخطي فضحك بمعارفك
وليا تجاوزت الخطى عنـه مرضـاه

وليا سكت وشمت بجـرح عواطفـك
ضحوك في وجهك وسـودن خفايـاه

وان قمت مايسوى هبايب عواصفـك
وان شلت لة عرقا على الكبد عرقاه

وان جيت لة محتاج ماتقـل يعرفـك
ويعطيك مع بيض المعاذيـر علبـاه

ليا صار عند اللازمة مـا يساعفـك
وقت الرخا منتـة ابعـازت حمايـاه

لا تشتكـي عنـدة يكبـر سوالفـك
فرقاة تغني عـن مسـرات جـدواه

وحـاذور عنـة لايسـود صحايفـك
ولاتقربـة مـادام تعـرف نـوايـاه

وبعدك عنة في ديرتـن مايشاوفـك
أخير مـن قربـة وشوفـة ولامـاه

وموتـك بعـزك جنتـن ماتكلـفـك
ولا حاجتن عنـد المنـون وترجـاه

وموت الكرامة عن جنابـة اتشرفـك
ولا منتـة عسـى نواعيـة تنعـاه

ومن يجهلك في منطق العرف ياصفك
وعرف الفتى تنبيـك عنـة مزايـاه

وترى الرفيق اللي يهمـك يناصفـك
ويفزع ليا شاف الخلل فيـك يرفـاه

ودايم صـدوق وبالحمـوة يلاطفـك
ويقوم في واجبك مـن قبـل تنخـاه

رجل على كـل المواجيـب عارفـك
ودايم طواريق الشرف ساس ممشاه

وان حلت الرفقة يشيد ابو صايفـك
ماكنـك الا واحـد مــن دنـايـاه

ليا جاء مجالك جاب عنـك طرايفـك
وليا ذكـرك بجملـة الخيـر مبـداه[/frame]






[align=center]جـــزاء صـالــح الـحـربـي[/align]

[العريدي11]

صح لسانك والله لا يهينك

[إبن ثعلي]

مشكور ياعبد الرحمن وصح السان الشاعر جزاء الحربي نصيحه جيده
تحياتي

[مخاوي النشامى]

اخوي عبدالرحمن
سلمت يمناك على النقل الرائع
وصح لسانك ولسان شاعرها
جزاء الحربي

[النـايــــــف]

صح لسانك اخوي عبدالرحمن النفيعي

وصح لسان الشاعر جزاء الحربي

وبيض الله وجهك يا الغالي

على هذا الاختيار الرائع

تحياتي لك ،،،،

[محمد العتيبي]

مشكور اخوي عبدالرحمن على نقل الجزل وصح لسانك والسان الشاعر جزاء الحربي

[برقاوي هواوي]

صــح بدنك يالعريدي

[برقاوي هواوي]

العفو أخوي ابن ثعلي

[برقاوي هواوي]

الله يسلمك أخوي مخاوي النشامى

[برقاوي هواوي]

وحهك أبيض أخوي النايف وصح بدنك ولاهنت على المرور