قصيدة ضاوي بن عايض العصيمي:
[poem=font="simplified arabic,6,white,normal,normal" bkcolor="transparent" bkimage="backgrounds/13.gif" border="none,4,gray" type=0 line=0 align=center use=ex num="0,black""]
بديت باسمك يالعزيز المبدا=يامطلع باسرار الانفس والاكوان
وطلبت طلبان الشفوق المودا=تحفظ لنا حكامنا درع الاوطان
وانك تطوّل عمر ابونا المفدا=وتلبس ثياب العافيه جسم سلطان
وترحم زعيم للشدايد تصدا=وانهى التناحر والفتن واصلح االشان
والثانيه مني سلامٍ يردا=مثل الشهد والريح عنبر وريحان
على الشيوخ اللي للاضداد ضدا=حماية الدرمه بلظيا وشامان
اهل قصورٍ جعلها ماتهدا=يلقابها الشاكي من الضيم مزبان
عديتها وابطت عيوني تلدا=شفقٍ لهم لكن طرقي وعجلان
وماهوب حق امرهم واتعدا=مير الخطا مقرون مع خلق الانسان
واليوم عذري للنشاما يودا=والصفح من شيمة طويلين الايمان
واخص ابو نايف نحاز الاشدا=ذعار كساب المدايح كحيلان
شيخٍ على هامات الامجاد عدا=قول صحيح وله دلايل وبرهان
نفخر بابو نايف وفيه نتقدا=ونلوذ به لامن وجه الزمن شان
طلق الحجاج اللي ليا قام سدا=فى اكبر لزوم وشال هزاع الامتان
لو المدوح بحلق غيره تشدا=صاحت تبي عوق المفاريد والضان
ولن قيس مع حاتم لديٍ وندا=ويفرق بهدو الفنس وبخير الاديان
قد قلتها واعيدها واتحدا=اطلق شنب يقول مخطي وغلطان
ولاقلتها ادور جزا واتجدا=انا بخير ولاتفيود بالالحان
لكن أعد الدارس المستجدا=ولاهمني لويزعل فلان وفلان
اما الختول اللي ليا أقفيت هدا=جزاه من عندي تجاهل وسفهان
ومن كل صوب الشك عني معدا=مير اختلاف الوقت شفته بالاعيان
يابو سعد كلٍ تهيض وحدا=لكن لاتجزع ولد عمك حصان
ان شافها جت من بعيد استعدا=وان جت من ادنى كن ماكاينٍ كان
تلقالها صدرٍ سعه مجرهدا=وشبحٍ بعيد وحكمة تردع السان
ماني رديٍ فى الرفيق اتردا=ولااسرج خيولي كل ماثار دخان
وادرى أن من جاني بالاخبار ودا=وارخا السموع يشبها بين الاخوان
وماهل وبلٍ جت مزونه تهدا=صلوا على خير البشر نسل عدنان [/poem]
وقد جاراه الشاعر/غالب بن زيد ابو كتيفه العصيمي بهذه القصيدة:
[poem=font="simplified arabic,6,white,normal,normal" bkcolor="transparent" bkimage="backgrounds/10.gif" border="none,4,gray" type=0 line=0 align=center use=ex num="0,black""]
يالله ياللي بالدوا تمنع الدّاء=يامن لوجهه يسجد الانس والجان
سبحانك اللي منك ولك المردا=والباقي انت وكل من فوقها فان
والعزم منك وصبرنا مستمدا=يا واحد ما يشغله شان عن شان
ياهاجسي معاد عنها مصدا=ماتنتفوت فرصة وقتها حان
واللي جعل سبح الخيال يتمدا=ويفك لي بيبان في سد بيبان
شوامخ قامت على النون والدا=تجمع شتات اذهان وتشتت اذهان
مضمونها سلة حسام يحدا=ممزوج في عذر يقدم لشيخان
من شاعر جت له على ما يودا=تنقاد له قود الاصايل بالارسان
كنه ليا منه تهيض وجدا=يملك عصا موسى وخاتم سليمان
ولا من الوحي السماوي يمدا=ويشوفها والناس في حكم عميان
شاعر وبه ظهر القبيله يشدا=ضاوي ولد عايض من الاد نبعان
ما قط عنه هوين العلم ردا=لا والله الا كل وقفاته سمان
وان كان به كلمة ختول تردا=ما القى لها بال ولا اصغى لها آذان
ويثني على اللي صفهم ما يضدا=حماية الدرمه ثقيلين الاركان
اهل الاشده من طويل الامدا=من وقتنا الاول الى وقتنا الان
ويخص من مده ورا كل مدا=ذعار عنوان المكارم بليهان
شيخ يقدي له عرب ما يقدا=بالراي ولا بالسطر والحميدان
شيخ له الفنجال الاول يعدا=ليا امتلى المجلس مشايخ وشيبان
المجلس اللي فيه للطيب ندا=كنك ليا عديت به وسط ديوان
وحنا بني عاصم كعام الاضدا=ليا وقف ديان في وجه ديان
قبيلة بين القبايل تعدا=يوم التناحر والبلاوي والاكوان
من فعلهم كم بنت امست محدا=عشوا ثنادي شوقها الذيب سرحان
اما تعشى الذيب ولا تغدا=ليا رقص بين الذويين شيطان
يوم القبايل بين جزر ومدا=فعولنا شافوها الاقصين والدان
يوم انها جزيه وتفرض وتدا=ماعمرها فرضت علينا ولا كان
وابواشنا دون الحيا ما تصدا=ننزل بها الروض الخضر كل ما زان
حقايق ماهيب اظن ولبدا=تبقى على صفحات الامجاد عنوان [/poem]
وقد جاراهما الشاعر/مشعل بن صنت العصيمي بالقصيدة أدناه)))))))
[poem=font="simplified arabic,6,white,normal,normal" bkcolor="transparent" bkimage="backgrounds/28.gif" border="none,4,gray" type=0 line=0 align=center use=ex num="0,black""]
بديت بأسم الله على كل ســردا=سردا تمايل بالمعانــــي والأوزان
منه اختلاف الجو حراً وبـــردا=دخل بها ضاوي على كل ديقـــان
أبدع بها والصدر مده علــى أدا=ونهايته بالعجز حده علــــــــى آن
وانشأ كلام ٍ فيه بالود جــــــــــدا=هاضة اشجونه يم ربعه والأوطان
مابه خلاف ونيته في مســـــــــدا=على الطريق يمر مسرع بنيســان
هو باغيله منزل ٍ فالمهــــــــــــدا=شرق حلبان مقاصر الشيخ عيـدان
حنة هجوسه حن منهو معــــــــدا=ذئب ٍ معدى عن مقاديم حيـــــران
يبا العشاء ما رالعشاء عنه صــدا=صد وتنحى يم حسنا والأوجـــــان
عقب وصلها مد شوفه وعــــــــدا=فوق الزبائر والهناديب رســـــلان
والنار فكره والفناجيل جمـــــــــدا=بالنانخه والهيل والبن خــــــــولان
العام يبني سد واليوم هــــــــــــــدا=حل بمحل الجرب والثوب قيطـان
سوا سوات الشمري ولد عبـــــــدا=بس الحكيم الوائلي باع عبـــــــدان
وألا التريشه يوم دمعه بخــــــــــدا=شيال هم الناس راضي وزعـــلان
لكن ضاوي صد منها ومـــــــــــدا=صد وتعدى دار شيخ ٍ وشِيخــــــان
شيخ الشمل معروف من ساس جدا=أبا العلا مشعان خلد له اعنــــــــان
عان الهنيدي في سلومه ينـــــــــدا=باللي بناه العم والجد فا أزمــــــــان
داره سنام المجد في وسط نجــــــدا=منها رجال العرف في كل ميــــدان
هو شيخنا ما غيره أحد ٍ نـــــــــــودا=نسل الأمير عمر سلطان مشعـــان
ختمه قديم وحافظه ما تصـــــــــــــدا=تشهد عليه أكوان عرجا وجمــران
ليتك نظرة إيمين مع كل جــــــــــردا=حتى تشوف رسوم نايف ولوفــــان
رمز القبيله مدميت كل كبــــــــدا=لأخوان جوزاء منهج ٍ غير قد بـــــــان
وانته جزفة المد والهرج ثـــــردا=مايل بك الشيطان والراس خرمـــــــان
ليتك قسمة السيف والحق مبـــــدا=بين الفهود مفرقة كل خــــــــــــــــــلان
وأنا ما اسب الشيخ والشيخ قـــــدا=سلائل الأشبال من بيت فرســـــــــــــان
حماية الدرمه على كل حــــــــردا=لا جاء نهار الكون لظيا لها سنـــــــــان
من كف خيال ٍ يفادي تفـــــــــــــدا=نسل العقيلي مابهم هيئس وأمهـــــــــان
عساك تنـْظر ما تراوس لبــــــــــدا=بد الهمل يرتاده اليوم غربـــــــــــــــان
حضْرت خيالك يتبعه كل همـــــــدا=همدا علوم ٍ ضايعه جوف الأكفـــــــان
غالب حذفلك والطواريق رجــــــدا=ريش القلم والحبر يصغي له اجفــــــان
لا به جديد ورمزكم راح ربــــــــدا=من كل يوم الفلم ينعاد بأ الـــــــــــــوان
ليت الدروب تسد وانقول ســــــــدا=درب الخطا مسدود في وجه جربـــــان
هذا رصيد الطيب والطيب رصــدا=للي يقول الحق من غير كتمـــــــــــــان
واختامها با ارياح مســـــــك ٍ واردا=مع كل بيت ٍ قيل وافي ومليـــــــــــــان[/poem]وسلامت الجميع،،،،،،،
| 
|
09-11-2009, 07:48 PM
صوت وصدي للشاعر/ضاوي العصيمي والشاعر غالب ابو كتيفه والشاعر مشعل العصيمي
العرض المتطور
