حييت يابن عون

[فهيد مقعد الرويس]

اليكم بعد السلام عليكم مما استجد من ابيات عسى ان تجد شي من الاستحسان

[poem=font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حقك اليا سيرت مهوب فنجال=حقك يقلط في كبارالصياني

لكن حسب رغبتك ياطيب الفال=الساعه البركه مجيك مكاني

حييت يابن عون ياذرب الافعال=حييت ياغازي عريب المجاني

بالمرجله والشعر الك منزلٍ عال=ماحدٍ جهلبك ياسهيل الايماني

بين الرموز اسمك لمع قدر واجلال=يرضابه الياقلت قاصي وداني

وسط الجزيره فالشعر مضرب امثال=قبل الشعر عندي يجيله كياني

واليوم بعد اني فتحتله الاقفال=سقت المثل على خبير المعاني

مثلك ياغازي فالشعر منهل اجيال=ولهل الاصاله دعمك اكبر ضماني

والك التحيه عد ماهل همال=مع كثرها شكري وزود امتناني

وحقك الياسيرت مهوب فنجال= حقك يقلط في كبار الصياني[/poem]

[نايف تراحيب]

هلا وغلا بفهيد الرويس

يالله حيه وحي ما جاب


جزل x جزل

يابو مقعد


بس الشطر الثاني من هذا البيت يابو مقعد فيه شي ولا يورالي الله يعطيك العافيه




لكن حسب رغبتك ياطيب الفال
الساعه البركه مجيك مكاني

على ماضن غلطه مطبعيه


قصيده غايه فالجمال ويستاهل ابن عون

وانت استاذ فالشعر الله يعيطيك العآفيه


سجل متابعتي وإعجابي بقلمك


/


،


كل الود

[فهيد مقعد الرويس]

المشاركة الأصلية كتبت بواسطة [ نايف العتيبي ] هلا وغلا بفهيد الرويس يالله حيه وحي ما جاب جزل x جزل يابو مقعد بس الشطر الثاني من هذا البيت يابو مقعد فيه شي ولا يورالي الله يعطيك العافيه لكن حسب رغبتك ياطيب الفال الساعه البركه مجيك مكاني على ماضن غلطه مطبعيه قصيده غايه فالجمال ويستاهل ابن عون وانت استاذ فالشعر الله يعيطيك العآفيه سجل متابعتي وإعجابي بقلمك / ، كل الود

البقا يانايف

وصح بدنك يالغالي

وعجابك محل التقدير لاهنت

والشطر ماشفت فيه شي يانايف اكتابتي اشوفها صحيحه واخوك في الاملا تراه ماهوب الاقصى ههه

ولك مني اطيب تحيه

[عادل العصيمي]

الله الله


صح لسانك يافهيد


أبيض وجه , ونعم بغازي بن عون


قصيدة جزلة في من يستحق


لا هنت


,

[فهيد مقعد الرويس]

المشاركة الأصلية كتبت بواسطة عادل العصيمي الله الله صح لسانك يافهيد أبيض وجه , ونعم بغازي بن عون قصيدة جزلة في من يستحق لا هنت ,

صح بدنك

ياعادل

ولاعليك زود يالغالي

تقبل اطيب تحيه

[نايف تراحيب]

هلا يالذيب


والله مدري انت استاذ يابعدي وخبرتك فالشعر اكثر منا يالمبتدئين

غنيت البيت والظاهر اني ماضبطت وزنه


لاكن يبقا إعجابي فيك وفي نصوصك للأستفاده يالغالي


/


،



كل الأحترام والتقدير



،

[فهيد مقعد الرويس]

المشاركة الأصلية كتبت بواسطة [ نايف العتيبي ] هلا يالذيب والله مدري انت استاذ يابعدي وخبرتك فالشعر اكثر منا يالمبتدئين غنيت البيت والظاهر اني ماضبطت وزنه لاكن يبقا إعجابي فيك وفي نصوصك للأستفاده يالغالي / ، كل الأحترام والتقدير ،

حياك ربي

الله يعينك اجل تراجع القراءه لين يضبط الحن

واسعدني تواجدك والعفو وانا خوك نحنوا هنا كلنا نفيد ونستفيد

تحيتي وتقديري

[وجودك يكفي]

صح لسانك يافهيد الرويس

قصيدة جزله وشاعرها كبير
ويستاهل ابن عون كل ماقلت بأبياتك ونعم فيك وفيه


دمت بخير يابو مقعد

[فهيد مقعد الرويس]

المشاركة الأصلية كتبت بواسطة وجودك يكفي صح لسانك يافهيد الرويس قصيدة جزله وشاعرها كبير ويستاهل ابن عون كل ماقلت بأبياتك ونعم فيك وفيه دمت بخير يابو مقعد

صح بدنك

ياولد ثابت

وانت من اهل الجزل لاهنت

تحيتي وتقديري

[شيخ الشيوخـ]

بيض الله وجهك يابو مقعد ويستاهل غازي بن عون

ولايستغرب منكم الكرم والحفاوه بالضيوف فأنتم أهله يالروسان وجميع عتيبة بدون تحديد


صح لسانك