خلاطة مولينكس الشعريه

[راع المحاني]

السلام عليكم,
موضوع خفيف قمت بنشره من قبل في منتديات العضيان والقصائد لشعراء نشرت قصائدهم في منتديات العضيان وبعضهم أعضاء هناك.اسمحولي بنشره مع بعض التعديلات الخفيفه.
=====

بسم الله الرحمن الرحيم

الاخوة الاعضاء الاخوة الزوار ,كل من مر منها.

موضوعنا اليوم هو عن الخلاطة العصريه (مولينيكس ) الجديده. خلاطة الشعر المعاصره. سهلة الاستخدام سريعة النتائج.

كيف تستخدمها؟

لابد ان يكون لك ميول للشعر والقصيد الشعبي.

ماعليك الا احضار ترمس شاي + وخمس مجلات شعبيه وبعض المقبلات.
يجب ان يكون عندك فكره عن وزن القصيده وقافيتها.


قم باحضار عدد قصيدتين أو اكثر من نفس الوزن والقافيه.. وقم بدمجهم مع بعض دمجا مبرحا حتى تخرج بقصيده شعريه جيده وتصبح شاعر شعبي..

كيف تصبح شاعر شعبي؟؟بسيطه

ماعليك الا استخدام خلاطة مولينكس الشعريه الحضاريه..وتصبح اطلق شاعر شعبي.

هنا بعض الامثله.. أرجوا ان توضح الصوره أكثر للاخوه القراء.

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
(1)
كل دارٍ أرجعـت وانـا سنــــــــاوي = عزتــي للي ســواتـــي عزتـي لـه

زادت الحمـى فرحنـا للمـــــــــداوي = والمـداوي زود الحـــمـى مليلــــــه

ياجميله قام يطوي الحال طـــــاوي = والله ان كبدي على شوفك غليلـه

والله ان قلبي على اللاماء شفاوي = رغير مافي يدي ولا في يديك حيله

سجليني في علم حبـك فــــــداوي = انا مجنونك عقب مجنـون ليلــــــــه

يا رقبه الخشف ياعين النــــــداوي = ياسراجيف الذلـول المستحيلــــــــه

يامناةٍ تنقصـر عنهـا المنـــــــاوي = ياخيار الدهـم يالقبـا الاصيلــــــــه

نعنبوك انتي مكاسر عود جــاوي = مبسك سندس شرابك سلسبيلــــه

لو تمرين الشيوخ اهل الفتـــــاوي =عودوا مثلي يجـرون الطويلــــــــه

من عشق شرواك ولا لايهــــــاوي = التقيد من بعض الاشياء فضيلــــه
سعد الاكلبي[/poem]


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

(2)
ياحبيبي والبكا .. هم المحاجر= بالدموع ابرد مناديلي كويته
آه من صوت ترك كل الحناجر= وانتثر في دفتري شعر وقريته
كل هذا .. وانت قاسي قلب هاجر= ماهداك الله واخذت اللي عطيته
صاحبك لين حشا والحسن فاجر= من لمحته قلت جاك اللي بغيته
من غرامك في غلاك ارحل واهاجر= وان ضواني ليل من يمك سريته
لاتزيد طعوني أوجعت الخناجر= مابقي عرقٍ بقلبي ماثنيته
لو عيوني غيم واهدابك محاجر= ماظما رمشك تحت دمعٍ بكيته

نايف صقر[/poem]


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
(3)
يابيت ياللــي خاليات جوانبـــــــــك = ليه الوليف اللي سكــن فيك كبك
يابيت انا في ما مضى كنت اراقبك =ومن حب حي كان يسكنك احبك
واليوم خالي والهبايب تلاعبـــــــك =ما كن مخلوق من النــــاس طبك
يا قلب راح اللي فراقه معذبــــــــك =مدري ظروف الوقت والا لـعبك
ويا قلب حبك لأريش العين نــاكبك =مثل القديحه كل طـــقه تشبـــــك
اتعبتني يا قلب والود متعبــــــــــك =واليوم يا قلـــــب العنا وين طبك
ويا جفن يا ساهر على من تود ابك =إمــــــا تكــب الود والا يكبـــــك
دارت دواليب الدهر لين دار ابـــك =واقفى بــــمن تهوى وعناك ربك
ويا دمع عيني مل عيـــــن تهل ابك =لا واعنا عين جداها تصبــــــــك
ويا زين شق القلب وقــــــت مغيبك =يا جارح قلبي وانا اللي محبــــك

فهد بندرالثعلي العضياني[/poem]

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
(4)
لبيت صوتك جاك صوتـي ولبـه =ياهاجسـا بالشعـر كلـن تمنـاه

الشعر نسبح به على كـل غبـه=موج المحيط الاطلسي قد عبرنـاه

هب النسيم اللي يذعـذع مهبـه=وهاجوس شعري يوم ناداه خاواه

بقولٍ مثل وصف الذهب من مصبه=يشرح اصدور اهل المعاني بمعناه

ياهاجسي دكتور صـدري وطبـه=إليا لمس جرحا عصى الطب شافاه

امدح وفي الناس والنـذل سبـه=وراع الزرايـا لاتهمـك زرايـاه

شق الطريق وطيب الـدرب ذبـه=اشعل فتيل النار تكبـر ضوايـاه

شب اللهيب بصدر حاسدك شبـه=حتى توهج شعلتـك فـي حنايـاه

يموت وجهه والبـلا يقتلـب بـه=العن ثواه ولعنـت اللـي ترجـاه

كوب الردى سمه على من شربه=وجه الردي وش يفرقه عن مقفاه

وراع المطب اللي يسوي مطبـه=الله ومـر حتـى مطبـه توطـاه

شاله سما من سرعته ثم ضربـه=ولاتشمتونه جـاه بالعلـم ماكفـاه

وابليس لو واجهك في الدرب هبه=عليه بسـم الله ويرجـع لمربـاه

إليا ركـز ذيلـه لشحصـاً لعبـه=واكبر عدو لبليس فالامر يعصـاه

ساس المذله من عبد غيـر ربـه=ليا صعبة الدعوى تنحـى وخـلاه

مثله مثـل خبـل تفاخـر بعبـه=وافلس وفلس لا معـزه ولا جـاه

المـال مايبقـى لنـاس تحـبـه=قارون مات وزايد المال ما غنـاه

وحبل يوصل لنذل النـاس جبـه=مقدار يمنى الخبل مقدار يسـراه

واليا تعـذر بـارد الحيـل كبـه=غيره يفـز ويعتـزي لا نخينـاه

ينبنـي راعـي المراجـل وانبـه=والا دنافيـس البشـر ماتناصـاه

ماقـل دل ونلتـقـي بالمحـبـه=واغلـى تحيـه للوفيـن مهـداه

صالح المحقني العضياني[/poem]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

(5)

كلك تعالي غلا ... والاارجعي كلك=بعض الغلا منك مايستاهل الجيه
طالت وانا في رجا ليتك..وياعلك=أوراق بالذاكره ..واوراق منسيه
مابل ثوبك مطر شوقي ولابلك=لوعلتك من سحاب الروح وسميه
ليه امشي الدرب دامه مايوصل لك=تخاف رمضا الضياع اقدام رجليه
يابنت تو الهوى ماصرت انا خلك=للحين .. مازالت الصوره رماديه
ومازال بغض الغموض الشره يحتلك=وشلون انا اعشقك واحبك على النيه
اشوفك هناك قدامي .. ولاادلك=صعب الكتابه ليا صار الورق ميه
إن كان شمسك تساومني على ضلك=ماعاد ابي منك لا شمس .. ولافيه
اما تعالي لقلبٍ .. فز لك كلك=والا اتركيني ما ابي لك بالهوى جيه
مساعد الرشيدي[/poem]

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

(6)

الشكر لله وله الحمد والمنة=اللي عن الناس رازقني ومغنيني
رب بفضله وجوده يعطي الجنة=وأنا أطلبه من جزيل المد يعطيني
سود الليالي وماجابن يودنه=الحال مستور والمولى معافيني
مابي ملايين ابن كامل ولافنه=شمشول ذود مع البدوان يكفيني
ترجع بقلبي ليا جتني لها حنة=تطرد مفاريدها والليل ممسيني
في حاجرِِِاً من نبات الوسم له خنة=زاهن جماله على خضر البساتيني
من طلعته والمزون الغر يسقنه=له عدة أيام تسقيه الوداديني
أشب ناري وأجيب النجر وأدنه=وأدله عن الهم لو الهم طاويني
من لايدوس الريال ويحرق البنة=ويوجب الضيف لا دنيا ولا ديني
عبدالله بن خاتم العضياني[/poem]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

(7)
لاجل الغلا نطوي البيـداونقطعــها= مشـاعر الحـب لاعنت تعنيينـــي

لاقلت لبيـه من ثغرك وانااسمعـها =نسيـت بعد المسافه بينك وبيني

ياعشقه الروح ياخـيره مطامعــها=وفتك عن باقي الدنيا تكفينـي

محبتك من ثلاث سنيـن زارعـــــها =في شهـرسبعه سنة خمسه وتسعيني

وداعه منـك وانت اللي مودعـــها =تجري مع دم قلبي في شرايينــي

وانته وداعتك روحي لاتضيعـــــها =ضياع ياسر عرفــات لفلسطينــي

تولعت والله اللي فيــك ولعــــها =والقلب عاشقك قبل تشوفك العيني

النفس تامر واناماني بطايعـــها =الله عن النقد والمنقود يحمينـي

لو ان كبدي هجير الشوق لايعـــها =امر عطشان والشيمه تعدينــــي

ام الدلع في ذرى شيخ مدلعــــها=زيزوم قوم علي الشدات قاسينـي

شيخ ليا كبرت القاله يسنعــــها =ماهي بشيخة ختم والا ملايينـــي

سلطان الهاجري[/poem]


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

(8)

ودعيني بالسـلام ورحمـة الله وابركاتـه=واذكريني كل ماتطري على البال التحيـه
واتركيني للحنين اللى شعوري معجزاتـه=اتركينـي بالجـروح الابجديـه يابجديـه
اتركيني عاشق"يكتـب بدمعـه ذكرياتـه=من شعورٍ صادقه ماهيب نبـره عاطفيـه
عاشقٍ مخلص ولاخان العهد من طيب ذاته=كل يوم ايقول تجديد العهـد حـق ٍعليـه
كان ابه عاشق تأثرت وتفاخرت بصفاتـه=قيس منهو قيس وينه قيس وين العامريه
ماصفى وقت الهوا لاهل الهواوده وهاتـه=قالو العشاق سنه واكثره ذنـب وخطيـه

اشهدو بالله مايرخص على الدنيا حياتـه=كود رجال ابدوي مثلي عشق بنت ابدويـه
حبيب العازمي[/poem]




1- سعد ابن جدلان الاكلبي
2- نايف صقر الدلبحي
3-فهد بندر العضياني
4-صالح سعد المحقني
5-مساعد الرشيدي
6-عبدالله خاتم العضياني
7-سلطان ابن وسام الهاجري
8-حبيب دغيم العازمي

شعراء محسوبين على الساحه الشعبيه. لم يستخدموا خلاطة مولينكس الشعبيه.. شعرهم يعجبني ويشدني.

بعض قصائد شعراء خلاطتنا الحبيبه .. ومن من تعطيهم المجلات الشعبيه أولويه لم يحضى بها الشعراء الكرام السابقه اسمائهم (حاشاكم ياشعارنا)
1- ابو شنب
2-طويل الذراع
3-ابو سبحه
4-زبدووون

هنا بعض نتائج قصائد شعارنا الأربعه لا أعادهم الله علينا...

الشاعر ابو شنب..

قصيده رقم (1) + (7) = قصيده مولينكسيه بخلطه سريه لشاعرنا ابو شنب
[poem=font="Simplified Arabic,4,tomato,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

ياحبيبي لوطواني منك طاوي*=* عاشقك قلبي بعد شافتك عيني
في بحر حبك اعوم ولك فداوي*=*لو تطول السالفه بينك وبيني
ياعذابي منك ياعين النداوي*=*شوفتك عن باقي الدنيا تزيني
ريح شعرك ياحياتي عود جاوي*=* قلتلي لبيه يوم انك تجيني[/poem]الى اخر القصيده


الشاعر طويل الذراع

قصيده رقم (1) +(2) = خلط خفيف وكلمات منتقاه من أعذب الكلام.
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

ياقلب ياللي خاليات ٍ جوانبك*=* مافيه عرق بداخلك ماثنيته
يادمع عيني يوم انا العصر ساكبك*=*وابرد مناديلي بدمعي كويته
محبتك للزين شي ٍ معذبك*=*ياخذ ولا قال الك خذ ماعطيته
دارت دواليب الدهر يوم اراقبك*=*واصبح توسونامي ودمعي بكيته[/poem]الى اخر القصيده

الشاعر ابو سبحه

قصيده رقم (5) +(8) = خلط على اصوله وقصيده صالحه للنشر في احدى المجلات الشعبيه

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ودعيني بالسلام وبالتحيه*=*و اتركي قلبي وخلي ذكرياته
كنت اعشقك والمحبه لك هديه*=*عاشق مخلص وهذا طيب ذاته
مابغينا منك شمس وظل فيه*=*يوم قلبي صار عندك خذ وهاته
اتركيني بس ابيلي منك جيه*=*ليلة ٍ وحده ياروحه ياحياته[/poem]

الى اخر قصيدة ابو سبحه وصح لسانه

الشاعر زبدون

قصيده رقم(4) +(6) = كلمات ومعنى وقصيده لا يعلى عليها... صح لسان زبدون مقدما

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

آآآآآآآآآنا الطريق اللي على الطيب اذبه*=*الحمد لله ولُه شكر ومنه
وابليس والله ياجماعه ماحبه*=*اطلب من الله جود عفوه وجنه
صاحبك ذيله يوم شفته لعبه*=*ابعدت عنه وجبت نجري وادنه
ساس المذله لو عبد غير ربه*=*عساه يحرق مثل محروق بنه[/poem]
الى اخر القصيده




وهذه هي قصائد الاخوه (مولينكس اخوان) شعراء ساحتنا الشعبيه ويكرمون عنهم شعرائنا الافاضل.

تكملة القصائد عندي ولم تنشر بسبب الرقابه. واللي يبي تكملتها يراسلني على الخاص :)

تحياتي للجميع وكفاكم الله شر خلاطتنا العصريه مولينكس وحفظ الله حقوق شعرائنا الادبيه.

اخوكم راع المحاني :)

[السعار]

بصراحة خلطية تسبب دوران في الراس خاصة زبدون طويل الذراع..

[فهد العايضي]

تسلم يمينك أخي راع المحاني

ومشكور على هذه الخلطه السحريه

[راع المحاني]

السعار العزيز...صباح الخيرات...مساء الخيرات

سلامة الراس ياعز الراس..من الدوران :)

زبدون قصيدته طويله بس رقابة المنتدى حذفت اغلبها :)

تحاياي
راع المحاني

[راع المحاني]

مشرفنا القدير الغريب.

تسلم انت لمرورك وتشريفك موضوعي

لاهنت ولاعدمتك

راع المحاني