نـآس تنـآم مدهنــةة فـي دهـن عـود .. !

[تباريح الروقي]

تعبت اقول لضيقتي سهود ومهود
اليا متى هالعذر بيكون عذري






البارحة يوم اكثر العالم رقود
عادت علي اللي تجي منين مدري





الضيقة اللي كل ماراحت تعود
مكانها مابين قلبي وصدري





ناسٍ تنام مدهنة في دهن عود
وناسٍ تنام مدهنة بزيت مقري





لاواهني اللي حلالة من الذود
تسعين وضحى كل ماضاق يسري





يسج معها كل ماهبت النود
يتبع مسيل السيل في القاع يجري





ماهوب مثلي من اقرب الناس مجحود
الله يسامح من طعني بظهري





من راح ماكنه على القاع موجود

مايدري انه اول اسباب كسري





كل ماطرالي قلت من قلت الفود
ياليت منهو راح ماعاد يطري





لو تستحي من فعلها ايامي السود
كان استحت مبطي ولا طال صبري





قدمت بالموجود لخاطر الجود
لين التفت ولابقى شي حدري





عطيت من عمري ولا شفت مردود
ياللأسف للناس ضيعت عمري





واذا افرحوا واجد على طيحة العود
هذا دليل انه فعل شي يغري





بوقف لحالي واتبع الطيب والزود
اشره علي ان صغر الوقت كبري




ماني على بعض المخاليق محدود
اموت مانزَلت للناس قدري

تحياتي..

تباريح

[اصايل]

ماني على بعض المخاليق محدود
اموت مانزَلت للناس قدري



الله ع القصيد

الله على ثامر شبيب قصايده دايم تعجبني :)

سلم ذوقك يالغلا

لاهنتي

[تباريح الروقي]

أصايل>> دمتي يالاميره.. شاكرة لك حضورك

تحياتي..,,