وشهو المنكوس؟؟؟؟؟

[قنطورس]

السلام عليكم ورحمة الله وبركاته

اخواني الاعزاء

ورد في كثير من ابيات الشعر

كلمة المنكوس

مثل

العب المنكوس واحب روباعه مملن بالوقت والوقت خداعي

واخر

العب المنكوس في راس الرجم

اخواني لم استطيع معرفة المنكوس
لان التعريف الذي كان عندي

هو الكلمة التي تبدا بها البيت تختم بها البيت

مثل ياربابه على المسحوب غني من قصيدي بكا قوس الربابه

ولاكن هذا التعريف نقضه العديد من الشعراء ولكنهم لم ياتو بالتعريف
واتكفو بكلمة هذا ما هو هو

ارجو من يعرف عنه شي ان يخبرنا ويمثل لنا في بيت شعري

اما اذا كان المنكوس طاروق ارجو ان يمثل بقصيده على هذا الطاروق

تحياتي لكم

[عبدالرحمن القاضي]

وعليكم السلام ورحمة الله وبركاته
اخي قنطورس

المنكوس بحر من البحورالشعرية وسمى بذلك لان تفاعيله منكوسه وهومن البحور العسره قليلاً
وهناك ابيات وقصايد تمثل هذا البحرومنها
بيت لعلي القحطاني
لعبي وليفي لعب كورة ضربها بليه=سجل بها فوز البرازيل بالدورة
قصيدة لمساعد الرشيدي
مراهيش نوك ماتبل الورق ياهنّ=لها اليوم تاسع يوم تبرق ولاسالت
يقولون لاضاقت عليك الوسيعة غنّ=وانا اقول شفت مقرد الخلق وش قالت
انا البارحة من يوم غابت الين اذنّ=تحلوى عيوني للكرى مير مااحتالت
يثوع النعاس من ارمد الجفن يوم تعنّ=سراميد غيظٍ بالحشا حبلها فالت
ماغير اتدرق باسمرالليل لا لجنّ=هجوسٍ تخطرت هيبة الجرح واختالت
هجوسٍ ليا قامت تكرب وقمت آونّ=تصرم معاليق الحنايا ليا انهالت
ذلول الهجاد اللي نبت في جماها سنّ=من العام تثعي في ضلوعي ولازالت
حلال الذهاب الى استشاطت لبسها جنّ=عساي آتجود في نحرها ليا مالت
وانا يوم امسّ بطانها ماعليّه منّ=يدين الهوان ان حطت اللوم وان شالت
ابازم نفسي عن طمان هواه مصن=واعدي لجفني وارقب العين وش خالت
عليها الملام ولاعليها السلام ابدن=يدينٍ تبي قصرة يديني ولا طالت
بعد مانفضت غبار صدري ولد ياهن=بعد ماروت روحي من الغيض واكتالت
يقولون لي ضاقت عليك الوسيعة غنّ= وانا اقول شفت مقرد الخلق وش قالت
هذا مااعتقده والاخوة الزملاء فيه الخير والبركة
دمتم بخير

[((الدلبحي))]

الى الاخ العزيز المنكوس بحر من بحور الشعر ويعرف فالمحاوره

مثل قول الشاعر :

سلام رديه.. لها راس وعيون... سلام رديه
الليله الليله .. بها أشكال وألوان.. الليله الليله

[فواز الشيباني]

لاخوان ماقصرو في الاجابه

الله يعطيهم العافيه

[حسام هوازن]

مشكورين وماقصرتوا على كل

ماقلتوه في ردودكم عن المنكوس


دمتم بخير

[قنطورس]

الف شكر على المرور والتعليق

بس يا اخواني الاجابات ماهي مختلفه ؟؟

مخاوي السهاد

الدلبحي

فواز الشيباني

حسام هوازن

ما قصرتوو والله يوفقكم في دنياكم واخرتكم

[النـايــــــف]

افادوك الاخوان يا قنطورس


وما قصرو معك


مخاوي سهاد والدلبحي


تحياتي لك ،،،،