هذه القصيده ارسلها لي الشاعر / سامي العضياني بعد انتهاء برنامج شاعر المليون مباشره . والباقي تفهمونه من سياق القصيدتين .
يقول سامي
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقول الهاوي وعلمـه يتمّـه= بعد ما جال جوف الصدر همّه
ألا ليت الأديب يشوف قولـي=ونارد بالقوافـي كـلّ جمّـه
حفرنا قبر ابو زيـد الهلالـي=ولكن كيف يالصّاحـب ندمّـه
أخاف انها تشنّ الحرب بكـره=ويفزع خالـه وجـدّه وعمّـه
وترفع صوتها عليـا وتنخـى=وتبرا من بعدهـا كـلّ ذمّـه
صبرنا واحتسبنا وان شكينـا=عسى عنّا تجـلاّ كـلّ غمّـه
نخيتك يا ولد عمي عضيـدي=ومثلك ماكره فـي كـلّ قمّـه
أعاف النّوم من عشر ٍ مضنّا=وعشر ٍ مثلها في ضعف همّه
أعاين فالنجوم اللّـي سناهـا=يشعشع لين زاد القلب غمّـه
هوايه مهرة ٍ في حكم طاغـي=سوات الدّاب ساق الموت سمّه
يعذبهـا ويامرهـا وينـهـى=وانا ما غير اقبّـل كـلّ يمّـه
سجنها في دهاليـز المخـازي=ويعصب دونها الرّاس بـمعمّه
ولكن والله انّـا غيـر نفـزع=وينسى رضعة ٍ جاته من أمّـه
ترى لو تبكي العذرا شرفهـا=لزوم ٍ نهدهـا بكـره تزمّـه
لا يخطفها من الادنين جاهـل=ويتركها مـع القـوم المرمّـه
وتصبح سالفه بين العـوارف=وكلّ ٍ علمهـا بكـره يضمّـه
تحيزم يا ولـد عمّـي تراهـا=هنا يا ستر منقـوش الأزمّـه
أنا بهجد خزاعه وانت صبّـح=قريش اللّي تعاقبهـا الأئمّـه
من اللّيله حسابك في رصيدك=ولو تضوي على راسك مطمّه
لعلّك يالاديب أوحيـت قولـي=ليا منّـا وردنـا كـلّ جمّـه[/poem]
وقد قمت بالرد عليه بهذه الأبيات
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقول اللـي ورد بالشعـر جمـه=روي منهـا الأديب ومايهـمـه
أجـاوب مـن نخانـي وارتكيلـه=حـزام للقريـب ان جـت ملمـه
عتادي مع لبـاس الحـرب والـم=وراسي لين عرش الرجـل همـه
علـم عِلـم الأدب للـدار يرجـع=سواعدنـا عطـاشـا تاتضـمـه
وانا عهدي قطعته يابـن عاضـي=ولا ني عنـه راجـع ليـن اتمـه
ابا ابذل كل جهـدي عـن عتيبـه=وابا احفي الرجل وارقى كل قمـه
وابا افزع هجوسـي والمشاعـر=وابا ابدي كـل علـم كنـت المـه
وابا اكشف للأعاجـم والاعـارب=أدب قـوم لـلأعـراب الأئـمـه
وابا ارفع راس روق وراس برقـا=نسيـم المجـد عادتنـا نشـمـه
وابا ادعس فوق راس الداب الأسود=ويمـوت الـداب بالنيبـان سمـه
وابا افحّـم سليـل بعيـر تركـي=جنـاح وخـف ياطـا مايهـمـه
ولو صوغان فـاز الشـوط الأول=بعـد جينـا يعـود يرضـع امـه
ولا يبقى سـوى شـرط العدالـه=عسى الحكام فيهـم مـن يتمـه
وترى التاريخ حين يعيـد نفسـه=يجيـب الوقـت مـرات المطمـه
ولا يحتـاج اوضـح شـي بيـن=ولانـي صاحـب لغيبـه ونـمـه
ولو يسال عن اللي صـار سائـل=ابا اعطيه الجواب ان قـال سمـه
تميـزنـا وفـزنـا بالحمـاسـه=ياكم واحـد مسـح دمعـه بكمـه
ظهر يوسف شجاع عـاد لصلـه=عقالـه رافعـه لعيـال عـمـه
فديتـه يـوم قـال انـا النـداوي=جزيـل القـول عـز الله أتـمـه[/poem]
اتمنى ان تعجب الأعضاء الكرام والقراء وهواة الشعر .
/حامد العتيبي
| 
|
05-06-2007, 08:26 PM
المواضيع المتشابهه
العرض المتطور
