بعد الفقر حطت شريحـه وجـوال

[الذيب العتيبي]

[poem=font="Simplified Arabic,4,white,normal,normal" bkcolor="darkred" bkimage="" border="outset,4,black" type=0 line=0 align=center use=ex num="0,black"]
بعد الفقر حطت شريحـه وجـوال=يسعد مسـاء جوالهـا والشريحـه
كانت تجيني تشتكـي قلـة المـال=وتصيح لا جاء طاري الفقر صيحه
تقول أبويـه دايـم الـدوم رحـال=وامي كبيرة سـن دايـم طريحـه
وانت الوحيد اللي لك القلب ميـال=دايم يصارحني وانا لـه صريحـه
طفله وانا معشوقها بيـن الاطفـال=جريح حب وطاح له في جريحـه
كنا سوى نرسم على التربه أمـال=واحلام تقتلهـا الحيـاه الشحيحـه
كم دمعة كانت على الخـد تنهـال=واذا انزلت ضاقت علي الفسيحـه
الله كم صرخـه وهمسـه ومـوال=الله كـم جـادت علينـا القريحـه
الله كم بيـت(ن) كتبنـاه يختـال=واقول انا ضيدان وانتـي المليحـه
نخيل لو ما بالسماء برق وخيـال=وانكذب الايام لو هـي صحيحـه
وتقول لا حطيت لك بشت وعقـال=وسخر لك الرحمن عيشه مريحـه
أخاف تتركني على عثـرة الفـال=للفقـر ووجيـه الحيـاه القبيحـه
وحبيتها بيـن الخلايـق والازوال=حب يطول الوقـت محـدٍ يزيحـه
وسلمتها قلـبٍ تباريـه الاهـوال=وطاح الخفوق وطيحة القلب طيحه
راحت وخلتني مع القيـل والقـال=شاعر صواديف الدهـر تستبيحـه
ودار الزمان وغير الحال بالحـال=وجاها الزمان بكل ورده وشيحـه
فلـه وخدامـه ولكـزس وجـوال=وانا عجزت ادفع رسوم الشريحـه [/poem]للشاعر ضيدان بن قضعان

[حسام هوازن]

الغالي الذيب العتيبي

قصيدة بغاية الجودة والروعة

احيّك على نقلك هالقصيدة

وصح لسان الشاعر ضيدان بن قضعان

دمت بخير

[الذيب العتيبي]

مشكور على مرورك يالغالي

[محمد العتيبي]

[align=center]الذيب العتيبي
صح لسانك ولسان الشاعر ضيدان بن قضعان
ولاهنت على النقل المميز
تحياتي [/align]

[الذيب العتيبي]

صح بدنك أخوي محمد ومشكور على مرورك

[صهيل قلم]

يعطيك العافيه على النقل الحسن
















.

[الذيب العتيبي]

الله يعافيك سكون

[النـايــــــف]

صح لسانك اخوي الذيب العتيبي

وصح لسان الشاعر ضيدان بن قضعان

وبيض الله وجهك يا الغالي

على هذا الاختيار الرائع

تحياتي لك ،،،

[الذيب العتيبي]

صح بدنك ولاهنت على مرورك يالغالي

[بدر الروقي]

صح السانك يالذيب


وصح السان الشاعر ضيدان


ولاهنت على نقلها



تحياتي لك


بدر الروقـي