الــــيــــتــــــــم

[الركــن]

قصيدة أعجبتني وأحببت أن أنقلها لكم


تدري وش اللي يجرح القلب جرحين
ويمد حبل الحزن فيك ويشدّه

انك تناظر طفل من غير ابوين
يمشي ودمعه سايلٍ فوق خدّه

منظر صعيب ويقسم القلب قسمين
لا قام يمسح دمعه بكف يدّه

يمشي ولا يدري طريقه على وين!
لين التعب من كثر ما تاه هدّه

اثقل حروف يشيلها فيه حرفين
لا أب يدري به ولا أم تردّه

في خطوته رحله ودمعه وسكين
وحظٍ توسد بالمراسي مخدّه

جيت اسأله بالله قللي ولد مين؟
وبغى يجاوب واختنق صوت ردّه!

أنا يتيم وما لدربي عناوين
وجزر الحزن فيني يساوي لمدّه

وطعم الطفولة ما عرفته لها لحين
وثوب السعادة صرت ما نيب قدّه

أبكي إلى من شفت غيري سعيدين
لين البكا فيني يوصْل لحدّه

واقفى ورحت امسح دموعي من العين
وعيني تناظر دمعته فوق خدّه

وهذا هو اللي يجرح القلب جرحين
ويمد حبل الحزن غصب ويشدّه

[وضووح]

وهذا هو اللي يجرح القلب جرحين
ويمد حبل الحزن غصب ويشدّه





أنا آشهـــد
صح نقلك وصح لسان الشاعر ولاهنت يا الركن

[أنثى نادرة]

يسلم لنا انتقائك الجميل اخي

لاهنت على الجهد

[الصهد]

صح لسان الشاعر ولاهنت يالركن
رائعه كروعه حضورك
تحياتي وتقديري

[صمت السنين]

ماشاء الله قصيده رائعه
صح لسانك اخي الصهد
تقبل مروري

[الركــن]

وضوح

شاكر لك مرورك وتعليقك

[الركــن]

أنثى نادرة

تسليمن لنا أختي ولا هنتي على مرورك

[الركــن]

الصهد

الله لا يهينك وشاكر لك تعليقك الرائع

[وجودك يكفي]

قصيدة رائعه
صح لسان شاعرها ولاهنت يالركن على الاختيار والطرح الجميل

احترامي

[جـــلادة]

قصيدة في قمة الرووووعة
صح لــسان الشاعــر
وتسلم يمينك يالركن
لاعـــدمناك