لغز اعدناه لمنصة الالغاز.. حلته عهود يسلم فكرها

[{ أبوفيصل }]

.السلام عليكم ورحمة الله وبركاته

ياويش رجلن لاحذفت أوله صار
ضد المخاوف ،،، بالديار وحماها

وليا حذفت اثنين بنهايته ،،، دار
دارن يعين الله ،،، على ما بلاها

هذا الذي في نصرةالدين مغوار
ما همه الأخصام ،،، حزت لقاها

[إبن ثعلي]

لغز عويص يابو فيصل سبق وفكرنا فيه ولم نهتدي لحله لكن سنواصل البحث عن الحل

[{ أبوفيصل }]

ياهلا ابن ثعلي ..
حاول واللغز مايصعب عليكم حله

[عهود]

وعليكم السلام ورحمة الله وبركاته
صح لسانك يا ابو فيصل
بنحاول نحله يا أبو فيصل لكن ساعدنا (:

[{ أبوفيصل }]

المشاركة الأصلية كتبت بواسطة عهود وعليكم السلام ورحمة الله وبركاته صح لسانك يا ابو فيصل بنحاول نحله يا أبو فيصل لكن ساعدنا (:

حياك الله ياعهود واهلا بالمرور الكريم
لو ساعدت ماصار لغز لكن المطلوب تراه جماد .

[إبن ثعلي]

ويش رايك في سلمان اذا حذفت اوله صار لمان يعني بلغت البعض الأمان وذا حذفت اثنين باخره صار سلم مدينه مدمرة بسوريا

[{ أبوفيصل }]

المشاركة الأصلية كتبت بواسطة إبن ثعلي ويش رايك في اذا حذفت اوله صار يعني بلغت البعض وذا حذفت اثنين باخره صار مدينه مدمرة بسوريا

الرمعه هذي اقرب رمعه لامست الحل لولا .......
لكن بانتظار الحل المطلوب

[عهود]

المشاركة الأصلية كتبت بواسطة { أبوفيصل } الرمعه هذي اقرب رمعه لامست الحل لولا ....... لكن بانتظار الحل المطلوب

لولا ......
كملها لولا ايش 🤔

[إبن ثعلي]

هذا الى الآن استعصى علينا لكن الله يجيب حله

[عهود]

القران الكريم