انـا عـتـيـبـي والـوفـا طـبـع فـيـنـي

[شـوآق]

السلام عليكم ورحمه الله وبركاته


/

الجديد,’ عساه ينال ع اعجابكم .

قفيت يامحمد وتدري لياقفيت
مارجع لو ان الموت قدام عيني

ماقلتها قاصد اجمل بها البيت
اقولها ياخوك من شي فيني

مدام وصلت للكرامه فانا اوفيت
في حقها خلاص لاترتجيني

واليا نشدت عني تراني توفيت
معاد ابيها تتصل او تجيني

لو شفتها تبكي من الدم ماجيت
خلوها تنسى سالفة تحتريني

اخطت بحقي وانا والله ماخطيت
وانا حلفت ولاهي لعبه يميني

تدري وش اللي بخاطري لاتمنيت
انسى محبتها وذيك السنيني

لاتلومني هالحين لو قلت ياليت
ماطاح دمعي ولا خطت يديني

لكنني من حرة القلب غنيت
والصوت شلته لجل ابيح كنيني

اخونها وشلون مابعد جنيت
وانا عتيبي والوفا طبع فيني

/

وسلامة قلوبكم

شــوآآق

[نايف تراحيب]

الله ، الله ، الله


اشهد بالله انك مبدع يآ شوآق

صح لسآنك
صح لسآنك
صح لسآنك


/


،



احترآمي

[نادر النمر]

قفيت يامحمد وتدري لياقفيت
مارجع لو ان الموت قدام عيني

مطلع جميل .. وأنت كفوووو ماترجع ورى ,,,

واليا نشدت عني تراني توفيت
معاد ابيها تتصل او تجيني

الله يعطيك طولة العمر وانا اخوك .. وقسيت عليها هنا .. بقرار صارم ,,,


لو شفتها تبكي من الدم ماجيت
خلوها تنسى سالفة تحتريني

ازلت قاسي وصارم



اخطت بحقي وانا والله ماخطيت
وانا حلفت ولاهي لعبه يميني

هنا اباحة لك العذر على قساوتك .. لوجود السبب المقنع هنا .. وبالمناسبه ذكرتني ببيت لي

اقول فيه / أخطيت في حقك وفي حقي اخطيت * مدري وش اللي في غرامك رماني


دامك مااخطيت عداك العيب .. ولك عذر البعد تبعد عن من اخطاء بحقك



اخونها وشلون مابعد جنيت
وانا عتيبي والوفا طبع فيني


اااااالله الله الله

هنا اثبات بأنك وافي واصيل .. وطبعا لاتك عتيبي والمعروف عن العتبان انهم لايخنون من خلفت الدنيا

بيت يطرز بالذهب


,,,,,,,,,,,,,


صح لسانك مليوووووووووووووووون ياوافي .. وسعدت بمصافحة جديدك الغارق بالاصاله والوفاء وعزة النفس


كل التقدير بدقه وجله


..

[عزيزة الجناب]

قفيت يامحمد وتدري لياقفيت
مارجع لو ان الموت قدام عيني

الله الله

اخونها وشلون مابعد جنيت
وانا عتيبي والوفا طبع فيني

روووووووعه

سعود

صح لسانك

[شـوآق]

نايف تراحيب

حضور اول افتخر فيه ., والابداع ماله طعم بليا حضورك
صح بدنك وحياك ربي

[شـوآق]

نادر النمر

صصح بدنك كثرهن ولايسسدون
تواجدك ششرف ياكحيلان .. وتعليقك ع الابيات اسسعدني بالحيل

والله يطول بعمرك ويخليك ـ لك كل التقدير والاحترام

[شـوآق]

رمانه الطايف

صح بدنك وروعه بتواجدك
حياك ربي

[شموخ طفله]

" مااجملً قلمكَِ اجلس أتأمل كلماتكِ اقف امام خاطرتك اعجز عن وصفها من روعتها كل كلمه تحمل رحيق الاحآسيس تتحول الكلمات بين أناملك لذهب صافي ابدعت في خطها و تنسيقها من القلب شكراً لعبقك المندثر اتمني لك كل خير "

[..{غ ـير البشـ}ـر..]

قفيت يامحمد وتدري لياقفيت مارجع لو ان الموت قدام عيني

وأنآ أشهد انك كفوو يالامير

لاتلومني هالحين لو قلت ياليت ماطاح دمعي ولا خطت يديني لكنني من حرة القلب غنيت والصوت شلته لجل ابيح كنيني اخونها وشلون مابعد جنيت وانا عتيبي والوفا طبع فيني

صح لسآنك يالامير

وعسآك ع القوه :)

[/center]

[شـوآق]

شموخ طفله

هي قصيده ولاهي بخاطرهـ
العفو . وحياك ربي