صوت وصدى مع الشاعر شفق السرّيع العازمي

[متعب العتيبي]

السلام عليكم وحمة الله وبركاته

مشاركة اتمنى ان تعجبكم تنال رضاكم
.................................................. ..

هذي مراسله بيني وبين الاخ الرائع والاعلامي الشاعرالمبدع شفق السريع العازمي قبل فتره



البدايه مني وهذي قصيدتي
[poem=font="Simplified Arabic,4,darkblue,bold,normal" bkcolor="transparent" bkimage="" border="none,9,sienna" type=2 line=0 align=center use=ex num="0,black"]
ابتدي باسم الولي في كل حاله = الاله اللي علـــى خلقـــه رقيبي

الالــــــه المعتلي جــل جـــلاله = من دعاه انجاه فاليوم الصعيبي

الدعا. له والعباده والرجا . له = غافر الزلات للــــــداعي يجيبـــي

بعدها خل القلم ياخــــــــــذ مجاله = من جزيل القول يكتب مايطيــــبي

للرفيق اللـي كــريم وينعنى له = من لجــأ له فيــه ظـــنه مايخيـــبي

وان نظم قوله حكيم وبه جــــزاله= وان تزهل فاللـــــوازم مايغيبي

من رجال المعرفه واهل الشكاله=العوازم ربعنا سقـــم الحـــــريبي

عز من هاك العرب صارو خواله= الخوال اللي لهــم ساسٍ عريبي

فزعة المضيوم في ايام الجهاله =فالملاقا جرحهم جــــــرحٍ عطيبي

وياأيميل العازمي جتك الرساله = لارســــولٍ للكتــــاب ولانـديبـــي

عبراثير النت توصل في عجاله = مايــهــمـــــــــه لابعيد ولاقـــــريبي

افتح المكتوب وارسل لي بداله= لاتأخر شـــــــوف حالـي مستصيبي

عمم الموضوع وافزع لي جماله = والرجاء في كل من يكتب عتيبي

حظ من هذا اللقب له وانتمى له = هم خوال المصطفى ماهو غريبي

ومن فزع بالمال مردودٍ بماله = مانبــي له مال مالي وسط جيبي

ماشكيت الفقر ودروب الضلاله =اشتكي همٍ عــجــز عنه الطبيبي

ياشفق والحال مايل عزتا له = ماعتدل في يوم من ردوة نصيبي

حالي بنقصان من شيءٍ جرى له =والجروح اليوم تمسي وتغدى بي

والسبب من يسحر العين بجماله = كامل الاوصاف شمسٍ ماتغيبي

استخف وهام عقلي من دلاله =مابقى الا اعط الخلا واقنب قنيبي

ساكنٍ بالقلب لايمـــــــــكن زواله = امتلكني واصبح الغايه حبيبي

تل قلبي من ضلوعي ثم شــــــاله = مثل تل الغرب من وسط القليبي

هو خصيم الروح هو قاض العداله = هو حبيبي هو حياتي هو طليبي

ثم فـــــــــــــرق بينــنا راع النـــذاله = يالعلــه لايمــــــوت ولايطيبي

والنهايه ياشــــــفـق في كل حاله = الهــــــوى والعشق شيٍ مايعيبي







.....................وهذا رد ابو مهنا....................
ما بديت الا باسم ربي و اساله=الاله الواحد الفرد المجيبي
يا عساني تحت ظله في ظلاله=في نهار ٍ يجعل الولدان شيبي
ما يخيب اللي تنصـّـاه و لجا له=فارج الكربات فاليوم الكريبي
بعدها وين القلم وين البياله=الوضع هيـّـاب و الموقف مـُهيبي
مرحبا باللي تهقوانا باماله=يوم نادانا ورانا ما نجيبي
الشريف اللي طويلاتٍ حباله=شاعر ٍ و ان قلت شاعر قلت اديبي
و البناخي يوم جاني جا لخاله=مرحبا تملا فضا الكون الرحيبي
قطعةٍ مني و من ضلعي و انا له=لا زهمني يبشر بسعدي و طيبي
من بني ثعلي مغاوير البساله=نخوة المنضام فالوقت العصيبي
و القضاه اللي تحكـّـم بالعداله=تقضي الطلاب من ظهر الطليبي
ارسـَـل الايميل محمول بسواله=نـَـصـّـها شكوى غرابيل الحبيبي
ما شكا غدر الزمان و لا عـَيـَـاله=و لا اشتكى نقص الفلوس و الا المشيبي
يا العتيبي و استلم ردي عسى له=نفعةٍ لك عقب جيت و تنتخي بي
و الله انك لو ورا هضبة صلاله=في وجودي و الله انك ما تخيبي
ما يثنـّيني حرامه عن حلاله=لو يورّدني مصاليل اللهيبي
و الله انا ما تورّثنا الخماله=ما ورثنا الا المعاطيب الحديبي
و ان شكيت من الغرام و سوّ فاله=فالهوى سم ٍ على الرجل اللبيبي
من شرب كاس الهوى حتى الثماله=لا يجي في باله انه يستطيبي
وش نكب عفش الملوّح و ارتكا له=بالجنون و في جنونه مستصيبي
لا صدف له عنز قال الها يا خاله=هكذا فعل الهوى و اللي يجيبي
و العشيقه لـ اسمعت هرج الحثاله=بيعها بتراب للوجه التريبي
مثل هذي من عشقها عزتاله=خلها شمس ٍ تحـوّل للمغيبي
و ان بغيت الصدق قصر ٍ للإطاله=و الكلام اللي يثبـّـت بـ اشانيبي
دوّر اللي ساسها ساس الاصاله=من بيوت العز و المجد الأريبي
من جنوب الدار والا من شماله=و المهر عندي و انا ربي حسيبي[/poem]

[حسام هوازن]

صح لسانك ولاهنت

يـــ متعب العتيبي


يعطيك ألف عافية
ودمت بألف خير

[فهد العايضي]

صح لسانك ولسان ابومهنا

والف لاهنت يامتعب

[الدجيما]

صح لسانك احوي ولسان العزمي.

ومثل ماقالوا الربع واجد لاهنت.

الدجيما

[متعب العتيبي]

حسام هوازن

صح بدنك

شاكر لك مرورك


اخوك ومغليك

[متعب العتيبي]

فهد العايضي

صح بدنك

شاكر لك مرورك

اخوك ومغليك

[فواز الشيباني]

صح لسانك اخوي ولسان العزمي.

الله يعطيك العافيه ولاهنت

[شاعر روق]

ابو رشيد وابو مهنا

صوت وصدى لشاعرين جزلين

ابدعا في صياغة هذه القصيده ايما ابداع

لله دركما من شاعرين

تقديري واعجابي

[برقاوي هواوي]

صح لسانك أخوي متعب ولسان أبو مهنا

[النـايــــــف]

صح لسانك اخوي متعب العتيبي


وصح لسان الشاعر شفق العازمي


وبيض الله وجهك

على هذا الاختيار


تحياتي لك ،،،،