يارب عفوك ثوّر الموت الاكوان

[النمر الروقي]

يا رب عفوك ثوّر الموت الاكوان
صارت على ربعي بغبه سحيله

الموت اخذ صالح نسايل كحيلان
رجا رجا راع الفعول الطويله

ستر العذارى يوم روغات الاذهان
يومٍ خطو اللاش عن الحليله

خلاّ المشورب لازرق البزر نيشان
يفداه عمر اللي ضيّع دليله

وصالح الى قيدوا بطوعات الارسان
ما ينحني راسه ويحمي دخيله

والموت جا السبع المبلم بليهان
براهيم ابو خالد حصاته ثقيله

والموت اخذ ذيب المراقيب حمدان
اللي خذا قدام ربعه نفيله

والموت اخذ منا الشجاع ابن هيشان
عطا عطا الى شم ريح الفتيله

ومحمد اللي ما اشتكى منه جيران
من خلقته ما جا بدرب الفشيله

اليا نهارٍ فيه عجٍ ودخان
رجالهم بالضد يشفي غليله

والموت حق ولا من الموت جزعان
اللّي دنا يومه يقلّط رحيله

ولا ني من اللّي دبر الله زعلان
العبد ماله غير ربه وسيله

لاشك هم ربعي وغالين واخوان
واللّي فقد غاليه واعزّتي له

عسى لهم في جنّة الخلد مسكان
في جاه ربٍ كلنا ننتحي له

هذا وصلى الله على نسل عدنان
نبينا المعصوم عن كل عيله


للشاعر / عبيدالله بن سليم

[إبن ثعلي]

مشكور يالنمر على حسن الاختيار
تحياتي

[النمر الروقي]

هلا والف غلا بابن ثعلي
شرفنا واسعدنا مرورك الكريم .. خالص التحيه ,,,

[فهد العايضي]

عليه أفضل الصلوات وأتم التسليم

وصح لسانك يالنمر الروقي ولسان عبيدالله

وألف لاهنت على النقل والإختيار الموفق

[النمر الروقي]

وصح بدنك اخي الكريم الغريب
ولك خالص تحياتي واحترامي ,,,

[حسام هوازن]

صح لسانك ولسان شاعرها

يــ النمر الروقي

دمت بألف خير
يالغالي

[النمر الروقي]

هلا فيك اخوي حسام هوازن
وحشتنا واسعدني مرورك يا غالي
لك اطيب التحيه والتقدير ,,