الله يقطـع خـوةٍ مالـهـا ســاس

[برقاوي هواوي]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله يقطـع خـوةٍ مالهـا ســاس=اللي ورى طـرد المصالـح هدفهـا
غاياتهـا يحكـم عليهـا بالإفـلاس=ولا تشرف من يجـي مـن طرفهـا
على الردى والكذب ترفـع وتنـداس=هـذي حراويهـا وهـذا وهفـهـا
ياناقليـن الكبـر ماهـو بنومـاس=نقص المراجل كبركـم قـد كشفهـا
المرجله عملة ذهب ما هي بنحـاس=ومـا كـل رجـلٍ لابغاهـا صرفهـا
مالي مع مجلس هل الزور مجـلاس=نويـت أجنبهـا وأجنـب صلفـهـا
عرفت ناسٍ طيرونـي مـن النـاس=حيث إنها نقص على مـن عرفهـا
شذابة العرقوب تشذيـب الأمـواس=نـاس عسـى ربـي يعجّـل تلفهـا
صورة عرب واسلوبها اسلوب خناّس=تبطـن خبايثهـا وتبـدي شرفهـا
أخير منها في الخلا سـج الأنفـاس=في ديرةٍ سيـل أمـس ذيـا جرفهـا
مع خوي لي علـى الديـن قرنـاس=حـرٌ صعيبـات المراقـي ولفـهـا
ورفيقي الطيّب على العين والـراس=اللـي مناهيـج الوفـا مااستلفهـا
وألا رديّ الساس يبقى ردِيْ سـاس=ولا خير فـي نفـسٍ دنـيٍ هدفهـا[/poem]



[frame="7 80"]شعر / ابراهيم بن مريع القحطاني [/frame]

[محمد العتيبي]

تسلم يمينك على النقل الجزل وصح لسان شاعرها

[برقاوي هواوي]

المشاركة الأصلية كتبت بواسطة محمد العتيبي تسلم يمينك على النقل الجزل وصح لسان شاعرها

الله يسلمك اخوي محمد ولاهنت على المرور

[ރسلايـل المجـدރ]

[align=center]صح السان شاعرها وصح اختيارك ولاهنت يالذيب[/align]

[برقاوي هواوي]

المشاركة الأصلية كتبت بواسطة سبـ~|راعي|~ــلا [align=center]صح السان شاعرها وصح اختيارك ولاهنت يالذيب[/align]

تسلم ياراعي سبلا على المرور الجزل

[الزيـادي]

سلمت يمناكـ على النقل الرائع والجزل

[برقاوي هواوي]

المشاركة الأصلية كتبت بواسطة الزيـادي سلمت يمناكـ على النقل الرائع والجزل

الله يسلمك يابن العم

[مخاوي النشامى]

أخوي عبدالرحمن..........

سلمت يمناكـ على النقل الرائع والجزل

وصح لسان قائلها إبراهيم القحطاني

[برقاوي هواوي]

المشاركة الأصلية كتبت بواسطة مخاوي النشامى أخوي عبدالرحمن.......... سلمت يمناكـ على النقل الرائع والجزل وصح لسان قائلها إبراهيم القحطاني

الله يسلمك يابو سطام وتسلم على المرور