مدح في قبيلة شمر

[عبدالعزيز بن حشيان]

اخواني هذا ابيات مدح في فلبيلة
]شمر الغنية عن التعريف.


وقفت مدري ويش اباقول محتار
لكن ابابدا السالفه واختصرها

شرق الغزاله علته سحب الامطار
من اجود دهون العود ينزل مطرها

على ديار مطوعة قب الامهار
شمر جنون الارض تخشا صطرها

ريف الخوي والضيف والثالث الجار
وفعولهم بالطيب كلن ذكرها

اهل الكرم والجود مع شبت النار
وصفر الدلال الي المهيل ذعرها

وانا غريب ديار ومودي اخبار
ولارجي وراهم حسنتن منتضرها

لكن اعد الي عرفته وماصار
عن ربعتن تشرح صدر من نحرها

تنافسو فالطيب مع كل مضمار
على المراجل لين خاضو بحرها

من ظلع سلما لان وصلو لسنجار
وشمر على دار الكابر جررها

تاريخهم يكتب وينشر بالخبار
ويرسم على سفوح الجبال وحجرها

وعسا السحاب الي من الغيث مدرار
يسقي شعاب اهل الوفا مع وعرها

عبدالعزيز الكسر

[المغوار]

صح لسانك شاعرنا القدير ابو خالد
ويستاهلون شمر الطنايا

[إبن ثعلي]

صح السان عبدالعزيز الكسر ولاهنت يابن حشيان على نقل القصيدة وشمر قبيلة عزيزه يستاهلون المدح

[عبدالعزيز بن حشيان]

المشاركة الأصلية كتبت بواسطة إبن ثعلي صح السان عبدالعزيز الكسر ولاهنت يابن حشيان على نقل القصيدة وشمر قبيلة عزيزه يستاهلون المدح

صح بدنك يابو عبدالرحمن

والشاعر عبدالعزيز الكسر هو محايكيك فديتك

عبدالعزيز بن زبار بن حشيان الكسر الموشدي

[عبدالعزيز بن حشيان]

المشاركة الأصلية كتبت بواسطة المغوار صح لسانك شاعرنا القدير ابو خالد ويستاهلون شمر الطنايا

صح بدنك اخي المغوار لاعدمتك