السلام عليكم ورحمـة الله وبركاتــه
محاورة يمكن تكون قديمه شوي
لكن ان شاء الله انها تعجبكم
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="none,4,gray" type=2 line=0 align=center use=ex num="0,black"]
جـــــورج بـــــوش
سلام رديه علـى حاكـم الصيـن=
بالخير ياراعي النظـام الشيوعـي
ياجيانق بن زيمن نبى معك قافيـن=
والبرق عانه في المخايل يزوعـي
جـايــنــق زيــمـــن
يامرحبا ياقايـد الغـرب واهليـن=
ترحيبتن ترضي غفير الجموعـي
البرق عانه يبرق يسـار ويميـن=
يوم الرعد حدر السحايب يروعـي
جـــــورج بـــــوش
ماجيتنـا ليلـة لفونـا المهنيـن=
يومن واشنطن تشـب الشموعـي
ليلة حكمت الكون في عام الالفيـن=
جوني هل الطالات غصبن وطوعي
جـيــانــق زيــمـــن
ارسلت لك يابن النشامى خطابيـن=
جت لك مناديبي تبـارك فزوعـي
وانا حكمت الشرق من عام سبعين=
ما اعلنت للحكام قبلـك خضوعـي
جـــــورج بـــــوش
انته تحسب الكون باقـي بقطبيـن=
الراسماليـه وطـت كـل شوعـي
يانايم اصحى مرت اعوام وسنيـن=
ماعاد فيها يابن زيمـن رجوعـي
جـيــانــق زيــمـــن
يابوش حنـا بالسياسـه ملميـن=
ومن دون هيبتنا بنينـا الدروعـي
ليتك تحل المشكله فـي فلسطيـن=
عز الله ان ابوك ماهـو طقوعـي
جـــــورج بـــــوش
ياجيانق انا طوفت وحده وثنتيـن=
والثالثه بتكـون بيـن الضلوعـي
الطايره وش علمها فالهـا شيـن=
اللي لها بحماك حـول السبوعـي
جـيــانــق زيــمـــن
الطايـره ماردهـا غيـر بكـيـن=
جانا يقالبهـا خبيـث الطبوعـي
وين احترام الانظمـه والقوانيـن=
مثلك عن سلوم الـدول مايتوعـي
جـــــورج بـــــوش
ماهيـب يمـك رايحـه للفلبـيـن=
فوق المحيط الها نزول وطلوعـي
مار اعترضتوا دربها يالشياطيـن=
عز الله اني من سواتـك جزوعـي
جـيــانــق زيــمـــن
يابوش يابن بوش تلعب على مين=
ماهوب انا اللي بالكلام مخدوعـي
يابوش وطتها في الارض الشياهين=
كانت تجسس وهزعتهـا هزوعـي
جـــــورج بـــــوش
هات الادله كـان عنـدك براهيـن=
يومك تقول ارخت علاك السموعي
مخطين ياهل الصين منتم بمقديـن=
وشيهانكم عود غرابـن خروعـي
جـيــانــق زيــمـــن
ركابها يابوش خمسـه وعشريـن=
عسكر من الجيش النظامي نزوعي
حاصرتهم يابوش بالجيم والسيـن=
حتى خذيت العلم منهـم قطوعـي
جورج بوش(( وهو يضحك)) ..
عينت طيارك غدا راسـه طحيـن=
وامه على قبـره تهـل الدموعـي
الطايره ترجع لنـا بعـد يوميـن=
اخـذ الكـلام ولاتطـول تعوعـي
جـيــانــق زيــمـــن
خل العلوم قصار واسمع لنا زيـن=
عسكرك جولك يالسنافي رجوعـي
والطايره لاعاد تنشـد لهـا ويـن=
راحت ديه في واحدن من ربوعـي
[/poem]