[نوف]

قلبي ملكته وش تبي زود وأعطيك * لوّ تطلب عيوني عطيتـك نظرهـا
قلّـي تدلّـل لا تـردك منـاويـك * نفس الموّلع لأجل عينـك نذرهـا
قلبي وعيني فـدوةٍ لـك وأهنيـك * تستاهـل الأثنيـن قلبـك قدرهـا
ولّو تطلب العصفور يرقص باياديك *جبّته ورقّصّتـه وجـاوب وترهـا
لّو قالـوا العـذال خلّـك امعنيـك *قلت العنا فالحـب لـذّة سيرهـا
ولاطعتهم بالنصح مانيب جافيـك *لوّ الجفا طبعك لروحـي قشرهـا
امولعٍ بالحيـل قلبـي امصافيـك *وودك سمر روحي وحالي سمرهـا
مير البلا يا معذبي ويش مدريـك *غافل وأنـا محـروم درّة دررهـا
عشت بحياتك عندك اللي مسليـك *وأغرقتني ماادركت غبّت بحرهـا
بحر الهوى والحب بحر التهاليـك *كم واحدٍ نفسه ابوسطـه دمرهـا
بحرٍ تصافق فيه الأمواج يغويـك *محدٍ وصل حـدّه ولحـدٍ عبرهـا

سفر مشعان العتيبي