[@ عتيـبـي نجــد @]

[poem=font="Simplified Arabic,6,darkblue,bold,normal" bkcolor="white" bkimage="" border="none,4,white" type=2 line=1 align=center use=sp num="0,black"]


>
>


رجواي لو يحـل ياسـن علـى يـاس=فالله وغير البـاب هـذا ميـت بـاب
ضاقت وجا معك الفرج ونجـلا البـاس=وانت السبب ياعـز واخيـر الاسبـاب
لـولاك مـا واسيتنـي ماحـدن واس=ولا طاب جرحً له زمانيـن مـا طـاب
ون كذبوني فيك ياصـدق الاحسـاس=ماقلت من ودا .. ولا قلت مـن جـاب
ماحسب على رفقة سوالـف ومجـلاس=احسب لك انت وغير ماحسب له حساب
اليـا تخـلا مـن يبشـر بـالافـلاس=انت السعد ياقرب علي مـن الاقـراب
الناس واجد وانت تفـرق عـن النـاس=تظهر ليا غابوا عـن العيـن الاصحـاب
دايـم وقفاتـك معـي ترفـع الـراس=وليا حضرت تسد عن كل مـن غـاب
الناس معـدن وانـت ياجوهـر المـاس=اعرفك لصبح كل من حولـي أغـراب
عني بعيد وبـان قربـك علـى سـاس=غديت من روحي لو انت من الاجنـاب
انت الحياه لمـن قبـل لفـظ الانفـاس=ساقك عليه الله مثـل عتـق الارقـاب
لا يابعد ناسً ... وناسً .. مـن النـاس=من قلب احبك يابعـد كـل الاحبـاب


>
>
[/poem]