[عبدالله المرشدي]

متواضعه آمل قبولها

[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
علم الدكتور باللي كـان جـاري=علمه بالضبط ويش اللـي جـرا
قله ان المرشدي صار انتحـاري=في هوى اللي صاب قلبه مـادرا
ياقصيدي علمه وش كان طـاري=خـل قيفانـه توضـح مـاطـرا
قل لبو عبدالله ان الذيـب سـاري=بس ليتـه فـي مكانـه ماسـرا
خابر الدكتور بالحـب استشـاري=له بشرع الحـب هيئـه وخبـرا
عاقلٍ فاهـم ولـه عقـلٍ اداري=شيـخ مثلـه بالمكـارم ينـدرا
اشتكي من جور خـلٍ مايـداري=فـي عذابـي زاد حـده وافتـرا
حبه بقلبي مبنّـي لـه حـواري=خصها لاصغـر جروحـه تجّـرا
حط له باقصى معاليقـي كبـاري=فوقهـا لوحـات باسمـه تنقـرا
شب في جوفي مثل بركان نـاري=كن قلبـي فـوق نـاره يصهـرا
طايعٍ لي بالهوى دون اختيـاري=في هواء غيري يبيـع ولا شـرا
بس في وصله يتعب كل ضـاري=والجفـا بالحـب فعـلٍ منـكـرا
دوك وصفه كان منت بعنـه داري=دام عرفك نرتجـي منـه ثمـرا
ماطلع مثلـه بلبـاس الخـزاري=ماله مع البيض بالزيـن خشـرا
كن خصره من قليل الحال عاري=فوق ردفٍ ماشكى فقـر وعـرا
له عيونٍ في حورها الموت جاري=مثل حد السيف فـي يـد عنتـرا
نور خده برق مزنٍ فـي غـداري=والشفايـف لـون جمـر جمـرا
كاملٍ بالزين في حسنـه يمـاري=بالخلايـق مثـل حسنـه ماتـرا
زينه اصلي مايقلـد بـه تجـاري=ماعترف بوجود كحـل ومسكـرا
نابي الردفين والبطـن متـواري=مدمج الساقيـن مشيـه بختـرا
كن في صدره مثل بيض القماري=يجرحه لبس الحرير مـن الطـرا
الخجل طبعه بهرجـه مايجـاري=لون خده لاهـرج صـار احمـرا
حروته في نجد يذكـر بالطـواري=ساكنٍ بالعاصمـه ولـه قصـرا
جاتك الابيات من نظـم ابتكـاري=هـات ماعنـدك وربـي يستـرا [/poem]
عبدالله مرزوق المرشدي