[برق الحجاز]

[poem=font="Simplified Arabic,5,crimson,normal,normal" bkcolor="skyblue" bkimage="backgrounds/6.gif" border="inset,4,deeppink" type=0 line=0 align=center use=ex num="0,black"]
(( زود الغلا يفقد الغالي))برق الحجاز





مع التحيةلأخوي عتيبي نجد



( البارحة ياعتيبي نجد= فقدت لي وأحدن غالي)

(وقفت له عند طيب وجد=وأقفيت والدمع همالي)

(جرح جديد وجرح جد= والصدر للهم مدهالي)

(وان اختفت عبرتي عن خد= مايختفي باقي أحوالي)

(وأمسيت مابين زجر..ومد= كل الروابع على بالي)

(بيني وبينه يحول البعد= والصمت للصد مرسالي)

(وأهني من لو تضايق صد=ماعرف ونة وولوالي)

(امطاوعين لها ما كد= ولا برى الهم له حالي)

(ان عاقه الجد عنها شد=وان جات بالصدفة ايلالي)

(يامن لمابين بعد..وسد= يصلاه من نارها صالي)

(لاهووكيل ولاله يد=والخلق في دبرة الوالي)

(والصبر مر وما من بد= واللي سعى يجهل اجهالي)

( بعض العرب لوزهمت رد= واقصاه لأدناه متوالي)

(مايحجب النور دونه حد=واليا سما فيه يجتالي)

(والبعض لوصحت له ما لد=لو كان تومي بالأسمالي)

(عن سمع صوتك لسمعه سد=وان شاف زولك عنه مالي)

(ياقلب هون وعنها عد= اليا متى وأنت رحالي)

(اصبرعلى اليوم حشمة غد= عل الفرج لك بالأقبالي)

(ماأنته بمن للمقافي هد= ولا أنت ألأول ولا تالي)

(وان كان ياقلب وقتك رد = ياهم لالي وهما لي)

(من غاب عذره جديد العهد= لاتنزعج لن لمى لالي)

(لوحال ماحال دون العد=ماعن رها العد لك سالي)

(والله ياعد مالك ...عد = تغني الزاد وازلالي)

(والله كريم ولا له ضد= مايأخذ الا بالأعمالي)

(ياونتي ياعتيبي نجد= زود الغلا يفقد الغالي)






مع تحيات أخوكم//برق الحجاز













[/poem]