![]() |
في نجد يشهد
في نجد يشهد
قالو تعال وقلت مبغى عزيمه @@@ هذا مكاني فيه اهلي وارحّب ماجيت طامع جيت حب وحشيمه @@@ في ساقة اللي بالمراجل مجرّب مابيني وبينه حلوف قديمه @@@ صلب الجدود وكل رجل ينسّب صلب الجدود اهل الكرم والعزيمه @@@ افعولهم فيهن الامثال تضرّب كم واحد خلوه نفسه سقيمه @@@ وكم واحد عشوه حد المهدّب مركاضهم فيه السعد و الغنيمه @@@ ومن طاح قدم نحورهم ماتشبّب كم فارس ساقوه لعيون ريمه @@@ وكم فارس عنهم تنحى و جنّب اهل المعالي والعقول الحليمه @@@ واهل البيارق والسرب ساعة الحرب في نجد يشهد كل ضلع وخريمه @@@ وشعب الجزيره بعيدها والمقرّب بتاريخ انقى من بطن كل غيمه @@@@ خطوه بسيوف كماالبرق لاشّب ولا سابّ باق الناس زور وظليمه @@@ واللي يسب الناس والله لينسّب ان كان ابمدح،والهجاء دون قيمه @@@ ولو راج له يومين والله لينكّب واليوم كل دروبها مستقيمه @@@ مابين دكتور وتجارات ورتّب متساوي طحطوحها والهليمه @@@ هذا ينوخها وهذاك يركّب وقت توذى منه حتى البهيمه @@@ نمشي مع التيار من وين ما هّب واللي يحصل من زمانه قسيمه @@@ يطيب كان انه عريب معرّب يطلع بها ذكره وسمعه وشيمه @@@ وينفع بها قدام يفنى ويترّب شرواك يا نسل الرجال الكريمه @@@ اللي على العليا محنك من الرّب حر ولد حر ولابه عظيمه @@@ لاد المروح كان سوّ البلا شّب وترى الزعامه للرجال الزعيمه @@@ وانته يبو راشد تراك انت الانسّب ومن كان به خير عسى الله يديمه @@@ ولا الردي جعله من الارض ينجّب وعسى المحبه والمعزه مقيمه @@@ بين الرجال بكل مله ...ومذهّب للشاعر : سعود |
اخي رفيع المقام
صح السانك والسان الشاعر سعود قصيده جزله يعطيك العافيه |
الله لايهينك يا بن عديس على المرور المشرف
تحياتي لك |
الله لا يهينك يا رفيع المقاام على نقل القصيده الراائعه
الله يعطيك العاافيه |
جميع الأوقات بتوقيت GMT. الساعة الآن 08:10 AM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها