منتديات عتيبه - ((((((((((( شايب عتيبه ))))))))))

قصيدة الشاعر منـور ماطـر العتيبـي
البارحـه واليـوم بيـن التفاكيـر
اخـذن قلبـي مابقـى الا محـلـه
سرح به الهاجوس مع شلعة الطيـر
قـدام كـل النـاس محـدن فطلـه
وجالي على المعنى ورود ومصادير
وغنيـت يومـن البيـوت استولـه
اعـدل القيفـان مثـل البواكـيـر
وليا عصى من بين عشريـن اتلـه
هيضتني حتـى تهيضـت يانعيـر
وانا منـول تـارك اللعـب كلـه
يانعير ياناطـح وجيـه المناحيـر
اليـوم كلـن قـام سيفـه يسـلـه
دنيا تحط ألـك العقـد والمساميـر
وغيرك تجيب اله العسل في محلـه
خلصت من كثر التعب والمشاويـر
واتابـع اخبـار العـرب فالمجلـه
ودني اخذ معك واذكـرك بالخيـر
والا عن الماضي طويـت السجلـه
اخذ الكتاب وفيـه تلقـى التقاريـر
ولا تنشد الشايب عن اللي حصلـه
انـا خـوي للرجـال المناعـيـر
واليا مشيت الـدرب عينـي تدلـه
وبعض القصيد يمر من غير تاثير
راعيه قـام وحـط فالنـار جلـه
تمت وجعل الخاتمـه كلهـا خيـر
وان كان به عقدٍ عسـى الله يحلـه
وســــلامــــتــــكــــم
الـشـاعـر مـنــور العصـيـمـي

..........................................

ردي علـى الشاعـر منـور العصيمـي

يامرحبا واعـداد ماغـرد الطيـر
ياشاعـرٍ غنـاء وقلبـي فطـلـه
منور تمثل في المعاني عسى خيـر
وفسرت انـا معنـاه دقـه وجلـه
ويقول جاله في المعانـي مداويـر
ايـدور الـي مثلنـا ماحصـلـه
وعمرت في القيفان بيتـي بتعميـر
وليا اختفى من بيـن ستيـن ادلـه
شايب عتيبـه هاضنـي بالتعابيـر
الشايـب الـي ياعـرب مانمـلـه
راعي الوفاء ناطح اوجيه المغاوير
واليـوم كـلٍ قـام رمحـه يشلـه
دنياه حطتله علـى الكبـد تمريـر
وغيره سكن في برد قصره وضله
ماهمني كثـر التعـب والمقاديـر
وامشي مع العراف في كـل ملـه
شرواك عندي من وجيـه مسافيـر
والنعم بك ياصاحبي الوقـت كلـه
الله يفـرج لـي بحسـن التدابيـر
وابنشـدك ياعـارفٍ كـل علـه
ياراعي الطالات مافيـك تقصيـر
يامسـويٍ الطيـب والكيـف فلـه
قصيدتـك فيهـا نديـر التفاكيـر
والنار تحرق مـن وطاهـا بملـه
وان كان عندك للمعانـي تفاسيـر
الصقر صار اذكى من اللي حبلـه
بعض العرب محبالتـه للعصافيـر
واصبح من افعاله بعيشـت مذلـه
وختامها واعداد ماصايـر يصيـر
صلوا على المختار راعـي الادلـه
وســــلامــــتــــكــــم

اخـوكـم: فهد العصيمي

@منقوله@