** جوهــرة نجد **
 

[color=#990066][size=5]
جوهــرة نجد

عبد الرحمن العطاوي

اسهر ومسهرني هوى لين العـود

طفلٍ حرم عيني لذيذ المنامـــا

شكيت منه الحمر والبيض والسود

وشقرٍ على الخصر المعزل تواما

وعكشٍ تشرع بالحجاجين وورود

محاجرا تفضح رهيف اللثامــا

وعنقٍ مرق عن لبة الترف ونهود

وخصرٍ هضيمٍ كن فيه الهيامــا

وردايفٍ منها فضا الثوب مشدود

ليا مشى تطوي السلب للحزامـا

لا واه أنـــا مذبوح عمدٍ وجحود

يــذاه ما بيني وبينك مدامــــا

وحياة من في رادتـــه هبت النود

انك جرحت اللي حنينه اريــامـا

ما حق يالطف الحشـا حب وصدود

وعلام تسكت مـــا ترد السلامـا

كانك تبي تبرير للحب وشهـــود

انظـــر بعينك في دموع تهامــا

وحـــالٍ نحل من حبكم كنه ، العود

ونفسٍ تصوم بغيــر نية اصيامــا

لا يا حبيبي ويش حدك على الكــود

ما انت بعمى وشلون عنى تعامـــا

ان كان منك العطف واللطف مفقـود

ذبح المحب بغير ذنبٍ حرامــــا

يا هاجري ما في اشرف الوصل منقود

عدني كما عود الولي لليتامـــــا

بزيـــارة تطلق من الحزن ممهود

في قلبي اللي لك بوسطه مقامـــا

عليه تشهر سيف الألحــاظ مجرود

وإليا تعطف لك علامك تسامــــا

وش ذنبه إلا انه بالأتعاس موعـود

في حبك اللي مـــا قضاله مرامه

وبيت القصيد اللي من القلب مشيود

حرام ما يزهاه غيرك وسامــــا

وشعر الغزل تزهـاه يا باشة الخود

يــــا فاضحٍ بالنور بدر التماما

لك الغلا يــا جوهرة نجد يا نجود

حوريةٍ من حبهــا ما يلامــــا[/size][/color]

شكرا على النقل
والقصيده فوق الوصف
دامها للعطاوي

نورت الموضوع بمرورك جراح

مشكورين على نقل القصيده يا غريب

الله يعطيك العااافيه

مشكور ياغريب على حسن الاختيار
تحياتي

مشكور اخوي غريب


على هذا الاختيار


وبيض الله وجهك يا الغالي


تحياتي لك ،،،،

يسلموووووووووووو على المرور

اخي غريب

مشكور على الاختيار الرائع

لاحرمنا من طرحك المتميز