|
(لين العود)000
بسم الله الرحمن الرحيم
يامن يسلملي على لين العــــــــــــــــود ينبيه عن حالي تراني خـــــلاوي يوصل سلامي له على اسرع من سكود عجل الخبر ياتيه قبل المنــــــــاوي ينبيه عن حال به الهم مرجــــــــــــــــود حلو الكراى ما مربه لو غفــــــــاوي عله ليا سمع الخبر باكر يعــــــــــــــــود وترجع ليال ما ضيه بالحكــــــــاوي عزي لمنهو في هوى البيض مصيــــــود صاده هواهن واصبح اليوم هــــاوي وعزي لمنهو من غثاء الوقت مضهـــــود ولاله بني عم لياصاح تــــــــــــاوي ماله جدى ياعقاب ياكود ياكــــــــــــود ينخى هل الفزعات واهل النخاوي رجالً لهم بالطيب شارات وبنــــــــــود ولا ضنتي فيهم تخيب الهقـــــــاوي وياما من ايام تمره من الســـــــــــود والموت عنده والحياه متســــــــاوي هاذا وهو لاهوب لاراعــــــــــــي ذود ولا هوب لاتاجر ولا هوب شــــــاوي هو الذي بالوقت له فعل مجحــــــود ولطراف قلبه من زمانه مكــــــــاوي والمرجله حبل طويل وممــــــــــدود وكلً حسب عرفه يسوق الخطاوي الشاعر/ عبدالمحسن الرويس |
صح لسانك قصيدة جميله جداً
|
صح بدنك اخوي الحصان والله لايهينك0000
والف شكر على التعليق0000000 |
الـــــــــهـــــــــــــواوي000
مساك الله بالنور. صح السان / شا عرنا\\\عبدالمحسن الرويس قصيدة فى قمة الابداع وأداء جميل وكلمات أكثر من رائعه سلمت يداك وأشكرك على هذا الذوقك الرائع , ومهما عبرت ما أوفيك حقك لأن كلمات الشكر والثناء قليله بحقك كشاعر متميز بقصائده . تقبل تحيات :الــــــــــواصـــــــــل |
مساك الله بالخير
بصراحه اخوي الواصل احرجتني باسلوبك وانا لا استحق هذا كله منك000 صح بدنك000 |
| جميع الأوقات بتوقيت GMT. الساعة الآن 02:51 PM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها