منتديات عتيبه - قالو جهلت وفلت انا عارضي شاب

قال الشاعر:عيد ابن شده هذه القصيده في ابنه الدكتورالاستشاري في طب المخ والاعصاب المبتعث في كندا

قالوا جهلت وقلت انا عارضي شاب
والعـمـر قـفـى ياجـمـاعـه شـبـابـه:

كني غليثـن صابـه السـبع بالـناب
جر العواء باللـيـل مـحـد(ن) درابه:

مـر(ن) يفيق ومر من ضامره جـاب
مـا جابـت الورقـاء مـن الـود جـابـه

قلبًه عليلٍ مـن عنا الوقت منصاب
لاناموا الـسـالين همه ســرابـــه:

سرابه الهاجوس بعد الشفق غاب
مسـرا الغريب اللي قليل زهـابـه:

مع مهمهـن خالي وقافـيه ملهـاب
داره خلـى والقـيـض حـطـت ركابـه

سريت انا مسراه من بعد الاحباب
بالهاجس اللي خافي السر جابـه:

يلعب بقلبي لعب مشعان وحجاب
علـى الوتر يلعـب وقوس الربابه:

قوسً يخلي خالي البال يرتــاب
انــا اشـهــد ان الهم قلـبي غـدابـه

كني غرير واطـيـن راس مـشـهـاب
ولاسـجـيــن خـايـفــن مــن عـقابه

عـلى الذي فــي دار كـفـار وجناب
داره بـعـيـد وشـــف بــالــي جنابه

حرأ جنيـتـه مـاكـره عـالي هـظــاب
عـمـه وخـالـه من طحـاطـيـح لابـه

لابارت الاصحـاب والوسـطـه خاب
في ساعة الضيقات يحسب حسابه

يغلق لي ابوابً ويفتح لي ابواب
والـيــا دعـيـتـه كـــل مـاقـلـت جابه

الله يـجـيـره مـن بلا كـل نــصــاب
والله يـجـيـيـه فــــي ديار الـقـرابه

الشاعر:عيدبجاد ابن شده