عسى السحاب اللي بروقه تلوحي
 

عسى السحاب اللي بروقه تلوحي
والوبل له في داجي الليل همال

على شفاء نجد العذيه يجوحي
وديانها ياوصل مع شم الاقذال

من شان تبرا يابن عالي جروحي
لا ربعت ذيداننا بعد الامحال

هذا هوا نفسي وفكري وروحي
ترتاح له نفسي ويطرب له البال

ياوصل يالشاعر طويل الشبوحي
تقبل عقال الشعر وتوجب الفال

يفداك زهافٍ حصانه جموحي
يرخي عنانه كل ماشاهد ازوال

عجلٍ بسره بالمواقف يبوحي
ويضحك عليه اللي يحب التبهلال

عيد بجاد بن شده

ابو فهد


هههههاه والله انك ماقصرت وصح لسانك يالنشمي

وصل يعرف قصدك وانت بعد تعرف قصده وخلوني براء انا ماعرف شي

ابن حشيان لاهنت وصح بدنك
وجعلك سالم وغانم

صح السانك يابن شدة على هذه
الآبيات الرائعه

صح لسانك يالطيب
قصيدة رووووعه

الاخوه الكرام صحت ابدانكم جميعٍ