صاحبي بطراف عانا يارشيد
 

صاحبي بطراف عانا يارشيد
دونه الحد العراقي سكروه

شبه خشفٍ في تواصيفه فريد
عرقلوه اهل المشاكل عرقلوه

ماملك ببنوك بغداده رصيد
من كبار القوم عمانه وابوه

مايفيد الصبر دونه مايفيد
يارشيد ان كان خلّي بجلوه

شبه صفرٍ شعشعت تحت شغمومٍ عقيد
صبحوه عداه في وسط ذوده صبحوه

عنّها دون العشاير ولا عنده ضيد
يقتلب مثل الفهد لاعتزا بخته وابوه

عيد بجاد بن شده

؟؟؟؟ رد رشيد؟؟؟؟؟

النوادر...........بيناتن فالقصيد
والدرر عند............ عودٍ زعلوه

يابن شده ......والزمن هذا عنيد
يخلف الهقوات... في ناسٍ هقوه

احتزم....... بي نعنبو رجلٍ يهيد
لاحتمى الميقاف واصحابه نخوه

ان بغيت .....المال حددلي وازيد
وان بغيت .....الجاه عندي كلبوه

وان بغيت ....الحد شغلت الجديد
ناصله........ لودونه الحد ارفعوه

والهوى فالخلق .....سنه والنشيد
والدرر عند عودٍ .............زعلوه

#رشيد_العالي.

صح السانك يابن شدة
وصح السان رشيد العالي

ابو فهد


صح لسانك كل منكم ودام عطاكم الرائع

لاهنت يابو خالد وصح بدنك