ياللي تنادي
 

[size=4]السلام عليكم ورحمة الله وبركاته

كل عام وانتم بألف خير

ياللي تنادي جاك صادق كلامي
..أخذ الحقيقه لا يجي داخلك خوف

أنا مع العالم رفيعٍ مقامي
..معروف وأبويه مع الناس معروف

على الرجوله عشت شامخ وسامي
..وعلى فعول الطيب بالحيل مشغوف

وأنا أشهد إن اللي معي ما يضامي
..وتبا تعيش بقادم العمر وتشوف

تشهد لي أهل الخير شرقٍ وشامي
..وماني على الامداح جايع ومكلوف

لكّن أبا أشرح لك بحسب النظامي
..من شأن تعرف دامت العلم مكشوف

ماني بلا كاذب ولا ني حرامي
..ولاني ذليل ولا تربيت ملقوف

دايم مقامي واصلٍ للتمامي
..لو كان قدامي طوابير وسيوف

ولي رايةٍ بيضاء وهذا مرامي
..وثوب الردى عني مع الوقت محذوف

وبنتك تراها في محل إهتمامي
..أحطها من بين الاهداب والشوف

جاك الكلام ومنزلي ما يضامي
..فالصف الاول يوم للعالم صفوف

وختامها مني تقبل سلامي
..وجتك الحقيقه لا يجي داخلك خوف

سطام بن سلطان بن فهيد[/size]

ونعم يابن فهيد وصح السانك قصيدة ولا اروع منها
وتحياتي لك

والله ونعم

ابدعت ياسطام وصح لسانك مليووووون


احترامي

كفو


صح لسانك مدد

لاهنت

[size=5][color=navy]سطام صح السانك ملاييين ولاهان منطوقك[/color][/size]
[size=5][color=#000080]تحياتي لك[/color][/size]

صحت ابدانكم لا خلا ولا عدم

تحيتي للجميع

صح السانك ياسطام من شاعر فحل والف نعم امير ولد امير

صح لسانك ------------