منتديات عتيبه - الافيه الاولى )) للصارم (( يشرفني تواجدك

[size="6"][center]بسم الله الرحمن الرحيم
اقدم لكم اول ألفيه لي في مجال الشعر ارجو من الله ان تنال اعجابكم

[color="red"]الف[/color](ن) أولف لابدا القاف وارتاح ** بالي وبال الي من الهم مرتاح
جار الزمان وطاح مع ضمن من طاح ** هاذا الزمن ماجى على الكيف والبال
[color="red"]الباء [/color]بليت بحب من هو كرهني ** غرون جرح قلبي عقب ماجرجني
مـن سبت افراقه وبعده ذبحني ** اقفى وانا ماحب من راح يختال
[color="red"]التاء[/color] ترى ماصار ماهو على الكيف ** ناسن سعت بفراق ولف ومواليف
الله حسيب الي فرقنى ولا شيف ** صارت حياتي عقب فرقاه تنعال
[color="red"]الثاء[/color] ثلاث أسنين ماشفت خلي ** وقتن مضى دونه حياتي تملي
صارت علي اهموم عقب التسلي ** وحيد لو جنبي ثمانين رجال
[color="red"]الجيم[/color] جى وقته وانا انطر رجوعه ** ياليت يذكرنا ونطرى بسموعه
ولا الغلا ماضن نبقى بتوعه ** صرنا كما ذكرى مضت مثل ماقال
[color="red"]الحاء[/color] حرام الي يسويه فينا ** لو كان ناسينا ترى مانسينا
الحب اكبر من جروحن تجينا ** وملا يحب إصير كنزن بلامال
[color="red"]الخاء [/color]خبيث الذات من هو فرقنا ** وش حاجته بالي عشقت وعشقنا
ان كان في حبه يبي يسترقنا ** اقوله تخسى تجيله على الحال
[color="red"]الداء [/color]دلال وبسمته ماتفارق ** عن خافقي مافيه للحب سارق
نضرات عينه فالحشى مثل بارق ** ينور على قلبي ويشعله مشعال
[color="red"]الذاء[/color] ذبحني في منامي خياله ** يطري علي وبسمته من دلاله
كني صويب وحاجتي في دواله ** بس البلاى وينه وانا وين ياحال
[color="red"]الراء[/color] رميت ابحب من هو عدوي ** عقب الغلا والزين حبيت بوي
يقطعك ياجون على غير جوي ** لاصار فيه اغبار واعتوم وارمال
[color="red"]الزاء[/color] زماني جرني دون حاجه ** عقب الصقور انحوم صرنا دجاجه
واليوم يجمعنا حقير وخواجه ** والي حكمنا حرمتن عقب رجال
[color="red"]السين[/color] سيف الحق صار إبجفيره ** وبعنا مع العالم بسلعه حقيره
واكبر قهر لاصرت بناس عيره ** والراس يوطابه ولاكن ماطال
[color="red"]الشين[/color] شين الناس من هو يخالف ** قال المثل تعرف ولاكن تخالف
وانا مع الحلاف صرت إمتحالف ** والله يستر لانجي ضمن الامثال
[color="red"]الصاء[/color] صبرت ونلت لو كنت مانلت ** ومن حبله ورعن كما حبله بنت
وانا من الثنتين ذقت وتالمت ** يالله عفوك تبدل الحال بالحال
[color="red"]الضاء[/color] ضميت وحاجتي منك شربه ** ماحجتي سقوه من ايات قربه
شف دمعتي بالخد ماهي لغربه ** ادموع عيني من صواديفها ليال
[color="red"]الطاء[/color] طواني هم في داخله هم ** ولاينفع المهموم من قال ياعم
كم واحدن قدمي تجرع من الغم ** وانا بعدهم نلت مع ضمن منال
[color="red"]الظاء[/color] ظروف الوقت ماهي بكيفي ** والناس ماترحم فقير وضعيفي
والقلب مايرتاح غير أب وليفي ** والعين لو تسهر فالعذار تختال
[color="red"]العين[/color] عيب الشخص لاصار طيب ** يضحك عليه إن قيل هاذا حبيب
والناس بالاوصاف طيب وخيب ** والله خلق خلقه سعيدن ومنعال
[color="red"]الغين [/color]غيب العلم في يد مولاي ** ولا نعرف الخافي والاقدار تخفاي
والحال من بعضه مقدر ورجواي ** اني اشوفه لو بعد قطعت اليال
[color="red"]الفاء[/color] فقير الحب لو كان شبعان ** مايعرف الاحساس بوتار فنان
ولحن المحبه غير عن كل الاحان ** يطرب لها بالي وفكري لها عال
[color="red"]القاف[/color] قبلي جرب الحب مجنون ** وشاع الذكر بناس ليلى ومجنون
وانا مع العشاق مجنون دنون ** لو كنت انا مثله تخالف بالاشكال
[color="red"]الكاف[/color] كف القاف يكفي عن الكاف ** ولو شابت القيفان ماشاب لي قاف
مادام انا غنيت في زين الاوصاف ** قافي مع القيفان صايل وجوال
[color="red"]الام[/color] لومي فيه يومه نساني ** لو كنت انا ناسيه يطري لساني
هاذا البلا مقدر على حب ثاني ** قلبي تولع فيه من بد الازوال
[color="red"]الميم[/color] ماضني تناسيت من كان ** الصاحب الي خوته تاج وعنان
لاهان ابو عباك لاهان لاهان** خوي دربي فشدايد والاهوال
[color="red"]النون[/color] نعجز عن وصوف الصداقه ** وملا يخاوي ذيب طاح ابحماقه
يكفيه في وقت القاء من علاقه ** والي يعيش الدهر يلقاه محتال
[color="red"]الهاء [/color]هزيم الراي لاشـك ضدي ** ومن هو تبع شور المره إمتردي
ناعه ضعيف وفعل يده تردي ** هاذا الصحيح ومثل ماقلت قد قال
[color="red"]الواو[/color] وين الطيب مابين الاخوان ** مفقود طيب الذات والراس خوان
تفرقهم النسوان والحكي بفلان ** وقتن تشابه فيه طيب ومحتال
[color="red"]الياء[/color] يعين الله على جور الايام ** يتعدل المخطي وتنزاح الاوهام
وتصفي نفوس الناس مابين الارحام ** ونعيش عز الدين والراس للعال
[color="red"]وختامها [/color]مني سلام ومهابه ** تمت بيوتن صغتها من رحابه
الصارم المسلول عـــزه نصابه ** وازكى صلاة الله ع خير مرسال

مارئيتم من خيراا فذكرووه وما رائيتم من عيبااا فسترووه تاريخ القصيده 1429 هـ

ودمتم بخير الشاعر _ عبد المجيد الروقي العتيبي .( الصارم المسلول)[/center][/size]